افغانستانده ینه بیر انتحاری هجوم نینگ آلدی آلیندی

پروان ولایتیده قتتیق بیر انتحاری هجوم نینگ آلدی آلیندی. 

افغانستان ملی امنیت عمومی ریاستی نینگ اجتماعی میدیا آرقه لی بیرگن معلومات لری گه کوره, حمزه منصور اسمی بیلن مشهور بولگن وطن خان گه حقانی شبکه سی تامانیدن پروان ولایتی مقامیده انتحاری هجوم اویوشتیریلیشی بویوروغی بیریلدی. 

اوشبو ریاست منبع لری وطن خان نینگ پروان ولایتیده اویوشتیریله دیگن انتحاری حمله آرتیدن ننگرهار ولایتیده  هم انتحاری هجوم نی باشقریش وظیفه سی گه ایگه بولگن لیگی نی بیلدیردی. 

وطن خان کابل نینگ 15 نچی ناحیه سیده ملی امنیت کوچ لری تامانیدن اوشلندی. شونده ی قیلیب باشقه بیر همکاری بیلن بیرگه اوشلنگن وطن خان نینگ یانیده کوپ مقدارده مهمات و قورال هم تاپیلدی. 

سونگگی پیت لرده پایتخت کابل داخل افغانستان ایریم شهر لریده انتحاری و قوراللی هجوم لرنینگ میزانی نینگ آرتیب باریتگن لیگی کورینماقده. 

بیر آی آلدین افغانستان پایتختی کابلده جایلشگن سردار محمد داوود خان حربی کسل خانه سی گه قره ته اویوشتیریلگن انتحاری و قوراللی هجوم عاقبتیده اونلب کیشی جان بیریب یره دار بولگن ایدی.