قیزیل صلیب، افغانستان ده گی یاردم فعالیت لرینی توخته تیب قویدی
جوزجان ده گی حادثه باعث توخته تگن لیگی بیلدیریلدی
قیزیل صلیب، افغانستان ده گی یاردم فعالیت لرینی توخته تیب قویدی
افغانستان ده خلق ارا قیزیل صلیب کمیته سی چوکاتیده گی 6 کیشی یاردم ملازیم لری نینگ اولدیریلگن لیگی نینگ آرتیدن، قیزیل صلیب اولکه ده گی فعالیت لرینی توختتگن لیگینی معلوم قیلدی.
مذکور کمیته تامانیدن بیریلگن معلوماتده، افغانستان ده گی فعالیت لرینی شو پیله توخته تیب قویگن لیکلرینی، یاردم فعالیت لری عملگه آشیرمه ی وضعیت نی تیکشیرماقچی بولگن لیکلرینی بیلدیرگن.
افغانستان نینگ شمالیده جایلشگن جوزجان ولایتیده تناون کون اوچ نفر هیداوچی و بیش کیشی کمیته نینگ ملازیم لری بولگن موترلرگه قره ته هجوم اویوشتیریلگن ایدی. خودی شو حادثه ده 6 کیشی اولگن و 2 نفر لادرک بولگن ایدی.
مذکور هجوم نی حاضرگچه هیچ بیر گروه اوز بوینیگه آلمه گن.
بیراق افغانستان خوفسیزلیک مقام لری اوشبو هجوم نینگ ترور تشکیلاتی داعش تامانیدن عملگه آشیریلگن لیگینی تخمین ایتماقده.
