پنتاگون: طالبان رهبری ملا اختر محمد منصورگه قره ته هجوم اویوشتیریلدی
افغانستان مطبوعاتی منصورنینگ اولگن لیگینی ادعا ایتماقده
پنتاگون: طالبان رهبری ملا اختر محمد منصورگه قره ته هجوم اویوشتیریلدی
امریکا قوشمه ایالتلری مدافعه وزیرلیگی پنتاگون افغانستان – پاکستان چیگره سیگه یقین منطقه ده طالبان گروهی نینگ رهبری ملا اختر محمد منصورگه قره ته هوائی هجوم اویوشتیریلگن لیگینی بیلدیردی. پنتاگون نینگ سوزلاوچیسی پتر کوک عملگه آشیرگن تحریری بیاناتیده طالبان گروهی رهبری منصورنینگ کابل قاله ویرسه اولکه نینگ ایریم منطقه لریده یوز بیرگن هجوملرنینگ ریجه لنیشی گه مهم حصه قوشگن لیگی عین دمده افغانستان خلقی، خوفسیزلیک کوچلری و خلق ارا ائتلاف کوچلریگه قره ته تهدید ایکن لیگی قید ایتیلدی.
مذکور بیاناتده منصورنینگ توقنه شوولرنینگ اوز نهایه سیگه ییتیب باریشی اوچون افغانستان حکومتی بیلن طالبان گروهی آره سیده آلیب باریله یاتگن صلح اوچره شوولریگه مانع بولیب کیلیشووگه توسیق تشکیل ایتگن ایدی، دیب ایتیلگن.
عین دمده طالبان گروهی نینگ ایسکی رهبری ملا عمرنینگ اولیشی و منصورنینگ رهبریت مسؤلیتینی اوز بوینیگه آلگن دن بیری اون مینگ لب افغانستان لیک ملکی اهالی و خوفسیزلیک کوچلری اعضالری نینگ اولیشی گه باعث بولگن لیگی اورغولندی.
افغانستان مطبوعاتیده ملا منصورنینگ اولگن لیگی بیلن علاقه لی خبرلر ترقه تیلماقده دیر. بیراق کوک تامان بیریلگن بیاناتده منصورنینگ اولگن لیگی حقیده معلومات بیریلمه گن و مذکور هجوملرنینگ نتیجه سی توغریسیده تیگشیروونینگ دوام ایتیب تورگن لیگی ایفاده ایتیلگن دیر.
