افغانستانده ترور تشکیلاتی داعش بوتونلی یوق ایتیلدی
افغانستانده ترور تشکیلاتی داعش بوتونلی یوق ایتیلدی
افغانستانده ترور تشکیلاتی داعش بوتونلی یوق ایتیلدی.
اوتگن ییلده افغانستان و پاکستانده اوز فعالیت لری نی باشله تیب یوبارگن داعش سونگگی پیتلرده افغانستان نینگ شرقیده حمله لری نی آرتیریب یوباردی.
بیراق افغانستانده گی ناتو کوچیدن جنرال ویلسون شوفنر داعش جنگری لری نینگ ۴۰۴ اولسواللیکدن تصفیه ایتیلگن لیگی نی بیلدیررایکن, اوشبو جنگری لرنینگ فقط گینه بیر اولسواللیکده قالگن لیگی نی ایسله تیب اوتدی.
شوفنر, بیرگن بیاناتلریده, داعش جنگری لری نینگ موجود بولگن اوشبو بیرته گینه اولسواللیک نینگ افغانستان نینگ شرقیده اورین آلگن لیگی نی معلوم قیلدی.
بیراق شوفنر اوشبو اولسواللیک نینگ اسمی نی ایسه ذکر ایتمه دی.
آلدین ایسه ننگرهار ولایتی مسئوللری داعش جنگری لری نینگ اچین اولسواللیگیده فعالیت آلیب باریتگن لیگی نی بیلدیرگن ایدی.
عینی دمده اوشبو ولایت نینگ آلتی یاکه ۷ اولسواللیگیده توپلم بیر مینگ الی اوچ مینگ داعش جنگری سی نینگ موجود ایکن لیگی بیلدیریلگن ایدی.
شوفنر, حاضرگی کونده گی داعش جنگری لری نینگ پاکستان لیک طالبان دن عبارت ایکن لیک لری نی بیلدیررایکن, خودی منه شو کیشی لرنینگ داعش گه قوشیلگن لیک لری نی ایسله تیب اوتدی.
عینی دمده شوفنر, خودی منه شو کیشی لرنینگ پاکستانده جنگری لر گه قره تیلگن عملیات لر نتیجه سیده افغانستان گه کیلگن لیک لری نی معلوم قیلدی.
حاضرگی کونده ناتو و امریکا کوچلری افغانستان قوراللی کوچلری بیلن تعلیمی جهت دن همکارلیک ایتماقده.
