فاریاب ده طالبانگه قره ته عملیات دوام ایتیب بارماقده
فاریابده عملیات نینگ تورتینچی کونی ...
![فاریاب ده طالبانگه قره ته عملیات دوام ایتیب بارماقده](http://cdn.trt.net.tr/images/xlarge/rectangle/14a8/208c/9f0f/56d5545d5e68c.jpg?time=1718645040)
فاریاب ده طالبانگه قره ته عملیات دوام ایتیب بارماقده
فاریاب والی لیگی نینگ رسمی صحیفه سی تمان نشر ایتیلگن خبرگه کوره فاریاب ده گی حرب نینگ اوچینچی کونیده 5 کیشی تروریست گروهی اعضاسی بیلن تورت کیشی طالبان باشقرووچیسی اولدیریلگن. خودی شو عملیات نینگ باشقرووچیلیگی افغانستان جمهور رئیس بیرینچی اورین باسری جنرال عبدالرشید دوستم تمان عملگه آشیریلماقده دیر. مذکور خبرده ایکّی عراده تانک، تورت عراده رنجر، 28 عراده موتر سایکل قولگه کیریتیلگن لیگی بیلدیریلماقده دیر.
فاریاب والی لیگی سوزلاوچیسی احمد جاوید بیدار تمان ترقتیلگن خبرنینگ دوامیده تروریست گروهی طالبان تمان مرکز اوله راق تعیین ایتیلگن خواجه نا موسی منطقه سی نینگ تروریست گروهی نینگ قولیدن آلینگن لیگی و افغانستان بیراغی نینگ آسیلگن لیگی اورغولنماقده دیر. عین دمده 5 کیشی خوفسیزلیک کوچلری اعضاسی نینگ یره لنگن لیگینی معلوم قیلیب، مذکور کیشی لرنینگ ساغلیق وضعیتی نینگ یخشی ایکن لیگینی ایفاده ایتگن دیر.