طالبان قندهار قونلغه سی گه هجوم اویشتردی

طالبان, قندهار ولایتیده هجوم اویشتردی.
قندهار قونلغه سی و لوژمان لری گه هجوم اویشترگن طالبان بیلن افغانستان حربی لری آره سیده یوز بیرگن توقنه شوو لر عاقبتیده آره سیده افغانستان حربی لری نینگ هم موجود بولگن ۲۷ کیشی جان بیردی.
طالبان نینگ قونلغه گه یقین بیر جایده ناتو و افغانستان حربی لری گه عاید بنا لر گه هم هجوم اویشترگن لیگی بیلدیریلماقده.
طالبان جنگری لری ایریم لوژمان لر گه کیررایکن, کوپلب عایله لر اوی لریدن چیقه آلمی قالدی.
قونلغه نینگ اوزیده, کوپلب مسافر لر طالبان نینگ قولی گه توشدی.
عینی دمده حادثه محللیده کوپلب انفجار حادثه لری نینگ یوز بیرگن لیگی هم بیلدیریلماقده.
طالبان سوزلاوچیسی سونگگی ۲۴ ساعتده قندهار ده ۱۵۰ نفر افغانستان حربی سی نینگ اولدیریلگن لیگی نی بیلدیردی.
براق اوشبو ادعا افغانستان دولتی مسئول لری تمانیدن تائید ایتیلمه دی.
طالبان توناون هم قندهار ولایتیده پولیس مرکز گه هجوم اویشترگن ایدی.
قندهار ولایتیده هجوم اویشتریلرایکن, پاکستان پایتختی اسلام آباد ده "آسیا نینگ قلبی" کنفرانسی بولیب اوتماقده.
خودی منه شو کنفرانس جریانیده اساساً افغانستانده قنده ی قیلیب امنیت نینگ تامین ایتیلیشی توغری سیده بحث ایتیلماقده.
افغانستان نینگ دوستی نینگ پاکستان نینگ دوستی و اوشبو اولکه نینگ دشمنی نینگ پاکستان نینگ هم دشمنیدن عبارت ایکن لیگی نی بیلدیرگن قوشنی پاکستان باش وزیری نواز شریف پاکستانده تروریست لر گه قرشی جدی بیر شکلده کوره شیتگن لیک لری نی بیلدیردی.
ایریم تمان لر ایسه پاکستان نینگ افغانستانده گی نا تینچ لیک لر بوییچه حصه قوشیتگن لیگی نی بیلدیرماقده.