جمهور رئیس مصلحتچی سی نینگ اوییگه هجوم اویوشتیریلدی
کابل ده ایرته گچه توقنه شوو حادثه سی یوز بیرگن
جمهور رئیس مصلحتچی سی نینگ اوییگه هجوم اویوشتیریلدی
هجوم چیلر بیر موترگه اورنشتیریلگن پارتلاو ماده سینی کابل نینگ دارلامان چهار راهی علاوالدین منطقه سیده انفجار بیریب، آرتیدن جمهور رئیس مصلحتچی سی نینگ اوییگه کیریب بارگن. افغانستان ایچکی ایشلر وزیرلیگی نینگ اورین باسری جنرال ایوب سالنگی نینگ ایتیشیچه اوشبو حادثه تناون آقشم ساعت 9 ده یوز بیرگن. هجوم چیلر جمهور رئیس مصلحتچیسی نجیب الله ناصرنینگ اوییگه کیرگن بیراق اوشبو اویده خوفسیزلیک کوچلری بیلن توقنه شووگه کیریشگن دیر. سالنگی جنابلری اوشبو توقنه شوونینگ آقشم 9 ده باشلب، ایرته لب بامدادگچه دوام ایتگن لیگی نی عین دمده هجومچیلرنینگ خوفسیزلیک کوچلری تمان اولدیریلگن لیگی نی بیلدیردی. کابل پولیس کوچلری نینگ آمری جنرال عبدالرحمن رحیمی تمان بیریلگن بیانات گه کوره اوشبو حادثه نینگ عاقبتیده خوفسیزلیک اعضالریدن ییتی کیشی یره لنگن.
