عبدالرشید دوستم گه هجوم اویشترماقچی بولگن کیشی لر اوشلندی
اوشبو کیشی لر اوز جرمی نی اعتراف قیلدی
![عبدالرشید دوستم گه هجوم اویشترماقچی بولگن کیشی لر اوشلندی](http://cdn.trt.net.tr/images/xlarge/rectangle/10-11/Files/UploadedImages/4755697323afgandostumsuikast.jpg?time=1718935487)
افغانستانده جمهوررئیسی نینگ بیرینچی اورینباسری عبدالرشید دوستم گه قرشی انتحاری هجوم اویشتریش نی ریجه لیتگن ۳ کیشی اوشلندی.
فاریاب ولایتی قیصار اولسوال لیگی امنیه قوماندانی نظام الدین, دوستم گه قرشی انتحاری هجوم اویشتریش نی ریجه له گن اوچ کیشی نینگ اویشتریلگن خاص بیر عملیات بیلن اوشلنگن لیک لری نی بیلدیردی.
نظام الدین اوشلنگن اوشبو کیشی لرنینگ اوز جرم لری نی اعتراف قیلگن لیک لری نی معلوم قیلدی.
قریب بیر آیدن بیری طالبان گه قرشی عملیات نی باشقریب و عسکر لر گه مورال بیریش اوچون منطقه ده بولگن عبدالرشید دوستم نینگ قطاری گه تورت کون آلدین هم بیر هجوم اویشتریلرایکن, اوشبو هجوم دوستم گه هیچ قنده ی بیر آسیب ییتیشترمه گن ایدی.
حاضر گی کونده هم جمهوررئیسی نینگ بیرینچی اورینباسری سترجنرال عبدالرشید دوستم منطقه نینگ طالبان و داعش سنگری گروه لر دن تصفیه ایتیلیشی اوچون عملیات لر نی باشقریب کیلماقده.