وردکده طالبان ملکی لر نینگ اوی لرینی یاقیب یوباردی
اوشبو مطلب نی وردک ولایتی نینگ سوزلاوچیسی بیلدیردی
افغانستانده طالبان جنگری لری ملکی لرنینگ اوی لری نی یاقیب یوباردی.
وردک ولایتیده طالبان جنگری لری نینگ بیش اوی نی یاقیب یوبارگن لیگی و اوشبو حادثه عاقبتیده ۱۳ کیشی نینگ جان بیرگن لیگی معلوم قیلیندی.
وردک ولایتی نینگ سوزلاوچیسی عطا الله خوگیانی, طالبان جنگری لری نینگ ولایت نینگ چک اولسوال لیگیده اوی لر گه هجوم اویشتریب ۱۳ نفر ملکی نی اولدیرگن لیک لری نی بیلدیردی.
اوشبو حادثه نینگ توناون آقشام یوز بیرگن لیگی نی بیلدیرگن سوزلاوچی, جنگری لرنینگ ملکی لر نینگ بیش اویی نی یاندیریب یوبارگن لیک لری نی بیلدیررایکن, اوی لر ده گی همه نرسه لرنینگ استفاده ایتیله آلمیدیگن بیر وضعیت گه کیلیب قالگن لیگی نی معلوم قیلدی.
سوزلاوچی, اوشبو حادثه آرتیدن خوف سیزلیک کوچ لری نینگ منطقه گه بارگن لیگی نی معلوم قیلرایکن, یوز بیرگن توقنه شوو لر نتیجه سیده بیر جنگری نینگ اولدیریلگن لیگی و اوچ پولیس بیلن بیر عسکر نینگ ایسه یاره لنگن لیگی نی ایسله تیب اوتدی.
اوی لری یاندیریلیب یوباریلگن کیشی لرنینگ دولتده ایشلَمیتگن لیک لری نی بیلدیرگن سوزلاوچی, منطقه ده کینگ کولملی عملیات باشله تیلگن لیگی نی معلوم قیلدی.
