فاریابده قریب ۴۰ قشلاق طالبان نینگ قولیگه توشدی
اوشبو مطلب نی محللی مسئول لر بیلدیردی
طالبان افغانستان نینگ فاریاب ولایتیده قریب ۴۰ قشلاق نینگ کنترولی نی قول گه کریتدی.
اوشبو مطلب نی محللی مسئول لر بیلدیردی.
عینی دمده افغانستانده نشرات آلیب باریتگن طلوع نیوز نینگ بیرگن خبری گه کوره, فاریاب ده طالبان گه قرشی اوروشیتگن محللی قوماندان لردن بیری بولگن خیرالله قرایی, سونگگی ایککی کونده طالبان ایریم ستراتیژیک منطقه لر نی قول گه کریتدی.
عینی دمده فاریاب ولایتی نینگ وکیلی نقیب الله فایق اجتماعی میدیا آرقه لی بیرگن بیاناتلریده, فاریابده اوروش لر جریانیده جان بیرگن یاکه یاره لنگن محللی پولیس لرنینگ سانی نینگ ۳۰ نفر دن عبارت ایکن لیگی نی بیلدیررایکن, دولت نینگ حمایه ایتمسلیگی تقدیرده, فاریاب نینگ سقوط قیلیشی نینگ ممکن ایکن لیگی نی معلوم قیلگن ایدی.
براق, حربی مسئول لر فاریابده گی محللی کوچ لر نی حمایه لیتگن لیک لری نی بیلدیرماقده.
بوندن تشقری, افغانستان ایچکی ایش لر وزیری نورالحق علومی فاریاب گه سفر قیلرایکن, فاریابده گی وضعیت نینگ قندوز گه اوخشلب قالیشی گه اجازت بیرمیدیگن لیک لری نی معلوم قیلگن ایدی.
جاری ییلده طالبان نینگ افغانستان کوچ لری گه قره تیلگن اوز حمله لری نی آرتریب یوبارگن لیک لری کورینماقده.