ننگرهارده طالبان بیلن داعش آره سیده گی اوروش دوام ایتماقده

افغانستان نینگ ننگرهار ولایتیده داعش بیلن طالبان آره سیده گی اوروش لر سببلی یوزلب عایله اوز اوی لری نی ترک ایتیب کیتیش گه مجبور بولیب قالدی.
جلال آباد شهری گه کیلگن اوشبو عایله لرنینگ ایریم لری نینگ غذائی مواد بوییچه یاردم گه محتاج ایکن لیک لری بیلدیریلماقده.
ولایت سوزلاوچی سی, بتی کوت اولسوال لیگی دن انسان لرنینگ شهر مرکزی گه کیلگن لیگی نی بیلدیررایکن, خودی منه شو کیشی لرنینگ سانی حقیده ایسه انیق بیر معلومات بیرمه دی.
خودی منه شو اوروش لر جریانیده داعش بیلن طالبان بیر بیر لری نینگ کوپلب آدم لرینی اولدیرگن وضعیت ده.
شوندای قیلیب اوشبو ایککی تمان بیر بیر لری گه قرشی جهاد اعلان ایتدی.
داعش جنگری لری آلدین طالبان بولگن کیین چه لیک ایسه داعش گه قوشیلگن لیک لری بیلدیرگن کیشی لر دن عبارت.
کوپلب ولایت لر ده داعش بیلن طالبان آره سیده اوروش لر نینگ یوز بیرگن لیگی گه قره مسدن, اینگ ققشتگیچ اوروش لرنینگ ننگرهار ولایتیده یوز بیریتگن لیگی کورینماقده.
ننگرهار ولایتی نینگ آچین, بتی کوت و هسکه مینه اولسوال لیک لری ده طالبان بیلن داعش  بیر بیر لری نینگ کوپلب آدم لری نی اولدیردی.