بدخشانده یوزلب جنگری امنیتی پوسته لر گه هجوم اویشتردی

یوز لب جنگری افغانستان نینگ بدخشان ولایتیده امنیتی پوسته لر گه هجوم اویشتردی.
افغانستان لیک و چیت ایل لیک یوزلب جنگری لر نینگ اویشترگن اوشبو هجوم لری آرتیدن باشلب کیتگن توقنه شوو لر دوام ایتماقده.
براق, بدخشان ولایتی نینگ رسمی مسئول لری, اوشبو جنگری لرنینگ بیش هجومی دن امنیتی پوسته لرنینگ نجات تاپگن لیگی نی بیلدیررایکن, بوگون ایرته لب ساعت ۵ ده باشلب کیتگن توقنه شوو لر نینگ دوام ایتیتگن لیگی نی ایسله تیب اوتدی.
خودی منه شو مسئول لرنینگ اوزی, حادثه محللی گه قوشیمچه امنیتی کوچ لرنینگ کیلمس لیگی تقدیرده, وضعیت نینگ ینه ده یمان له شیشی نینگ ممکن ایکن لیگی نی بیلدیردی.
رسمی مسئول لر, جنگری لرنینگ سککیز جسدی و ۶ زخمی سی نینگ جرم اولسوال لیگی گه انتقال ایتتریلگن لیگی نی بیلدیررایکن, اوروش لرنینگ دوام ایتیتگن منطقه ده تلفن لرنینگ درست بیر شکلده فعال ایمس لیگی سببلی امنیتی کوچ لرنینگ تلفاتی بیلن علاقه لی انیق بیر معلومات نینگ موجود ایمس لیگی نی معلوم قیلدی.
عینی دمده رسمی لر, جنگری لرنینگ جرم اولسوال لیگی نینگ خستک قشلاغیده قرار گاه قوریب آلگن لیک لری نی بیلدیررایکن, شوندای قیلیب خودی منه شو ییر نینگ اوزیدن وردوچ و یمگان اولسوال لیک لری بیلن باشقه منطقه لر گه هجوم اویشتریتگن لیک لری گه دقت قره تماقده.