ننگرهارده هوائی عملیات: ۱۷ نفر طالبان جنگری سی جان بیردی

ننگرهارده امریکا قوشمه ایالت لری نینگ پیلوت سیز طیاره لر بیلن اویشترگن عملیاتی نتیجه سیده ۱۷ نفر طالبان جنگری سی جان بیردی.
اوشبو جان بیرگن کیشی لر آره سیده بیر نفر طالبان قوماندانی هم اورین آلماقده.
خودی منه شو هوائی عملیات ننگرهار ولایتی نینگ مهمند دره اولسوال لیگی ده طالبان نینگ ییغیلیش اوتکزیتگن پیتده اویشتریلدی.
پولیس مسئول لری, دوشنبه کونی کیچقرون اویشتریلگن اوشبو عملیات نتیجه سیده جان بیرگن طالبان قوماندانی نینگ ملا داوود دن عبارت ایکن لیگی نی بیلدیردی.
اوشبو عملیات دن بیر کون آلدین طالبان نینگ ایککی عراده موتری گه قره ته اویشتریلگن بونگه اوخشش باشقه بیر هوائی عملیات نتیجه سیده ایسه ۱۲ نفر طالبان جنگری سی جان بیرگن ایدی.
خودی منه شو مطلب بیلن علاقه لی طالبان تمانیدن ایسه هیچ قندای بیر بیانات بیریلمه دی.
مهمند دره اولسوال لیگی تینچ بولمه گن اولسوال لیک لر دن بیری نی تشکیل ایتماقده.