زابلده انفجار: بیر عایله دن آلتی کیشی جان بیردی

زابل ولایتیده یوز بیرگن بیر انفجار عاقبتیده بیر عایله نینگ اوزیدن آلتی کیشی جان بیردی.
اوشبو کیشی لر نینگ خودی منه شو اویده موجود بولگن منفجره مواد نینگ پارتلب کیتیشی عاقبتیده جان بیرگن لیک لری معلوم قیلیندی.
حادثه توناون کیچه شینکی اولسوال لیگیده یوز بیردی.
دولت مسئول لری, حادثه عاقبتیده جان بیرگن کیشی لرنینگ آره سیده ایککی عیال و ایککی باله نینگ هم موجود ایکن لیگی نی بیلدیردی.
مسئول لر, اوشبو منفجره مواد نینگ دولت مخالف لری گه عاید ایکن لیگی نی بیلدیررایکن, خودی منه شو عایله نینگ جنگری لر بیلن ارتباطی نینگ موجود ایکن لیگی یاکه ایمس لیگی حقیده معلومات بیرمه دی.
طالبان داخل هیچ بیر تمان اوشبو حادثه حقیده حاضرگه چه هیچ قندای بیر بیانات بیرمه دی.