فرخنده نینگ قتلی بیلن علاقه لی متهم لر محکمه گه یوباریلدی
آلیب باریلگن تحقیقات لر فرخنده نینگ قرآن کریم نی یاندیرمه گن لیگی نی کورستماقده
فرخنده نینگ اولدیریلیشی بیلن علاقه لی متهم کیشی لرنینگ دوسیه لری محکمه گه یوباریلگن.
افغانستان ایچکی ایش لر وزیرلیگی نینگ مسئول لری, خودی منه شو حادثه بیلن علاقه لی متهم بولگن ۲۸ کیشی نینگ دوسیه نینگ محکمه گه یوباریلگن لیگی نی بیلدیردی.
فرخنده نینگ اولدیریلیشی حادثه سی گه تیگیشلی کابل پولیسی بیر هیئت تشکیل ایترایکن, اوشبو حادثه بیلن علاقه لی ۳۰ کیشی نظارت آستی گه آلینگن ایدی.
ایگیرمه ییتتی یاشیده گی فرخند مارچ آیی نینگ ۱۹ نچی کونیده کابلده جایلشگن شاه دوشمشیره زیارتیده قرآن کریم نی یاندیرگن لیگی ادعا سی بیلن ایریم کیشی لر تمانیدن کلتکله نیب اولدیریلرایکن, جسدی یاندیریلیب کابل دریاسی گه تشلنگن ایدی.
افغانستان ایچکی ایش لر وزیرلیگی و خودی منه شو موضوع بیلن علاقه لی قوریلگن کمیسیون تمانیدن آلیب باریلگن تحقیقات لر نتیجه سیده فرخنده نینگ قرآن کریم نی یاندیرمه گن لیگی تثبیت ایتیلدی.
فرخنده نینگ اولدیریلیشی آرتیدن افغانستان نینگ فرقلی منطقه لری ده ناراضی چیلیک نمایش لری اوتکزگن کوپلب کیشی لر اوشبو قتل بیلن علاقه لی کیشی لر نینگ همه سی نینگ علنی بیر شکلده محاکمه ایتیلیشی نی طلب ایتدی.
