نورالحق علومی نینگ قندهار سفریده انفجار واقعه لری یوز بیردی

نورالحق علومی نینگ قندهارگه قیلگن سفری جریانیده انفجار واقعه لری یوز بیردی
اوتگن هفته ده افغانستان نینگ ایچکی ایش لر وزیری صفتیده اوز وظیفه سی گه باشله گن نورالحق علومی نینگ توناون آقشام قندهار شهری گه بارگن پیت ده انتحاری هجوم اویشتیریلدی.
شوندای قیلیب توناون کیچه ساعت ۸ ده قندهار شهری نینگ کنترولی پوسته سی گه یقین بیر جای ده ایککی انتحاری هجوم نینگ اویشتیریلگن لیگی کوریندی.
اوشبو انفجار لرنینگ بیرینچی سی نینگ ۹ نچی ناحیه نینگ برشنا کوت پل منطقه سیده یوز بیرگن لیگی بیلدیریلدی.
خودی منه شو منطقه نینگ اوزی ده خوف سیزلیک کوچ لری بیلن انتحاری هجومچی آره سیده یوز بیرگن توقنشو لر نتیجه سیده بیر نفر پولیس جان بیردی.
ایککینچی انفجار ایسه قندهار نینگ ۴ نچی ناحیه سیده گی قاضی غلام دانائی منطقه سیده یوز بیردی.
خودی منه شو انفجار حادثه لری نینگ همه سی ایچکی ایش لر وزیری نور الحق علومی نینگ قندهار گه قیلگن ایلک سفری جریانی ده یوز بیردی.
علومی, قندهار داخل افغانستان نینگ جنوبی ده گی ولایت لر ده برقرارلیک نی تامین ایتیش بوییچه وعده بیرگن ایدی.