ننگرهار ولایتی ده توقنشو: ایککی پولیس جان بیردی
خودی منه شو هجوم آرتیدن باشلب کیتگن توقنشو لر بیر ساعت دوام ایتگن
213402
ننگرهار ده خوف سیزلیک کوچ لری بیلن جنگری لر آره سیده توقنشو یوز بیردی.
اوشبو توقنشو لر نتیجه سیده ایککی پولیس بیلن ۸ نفر جنگری نینگ جان بیرگن لیگی بیلدیریلدی.
ننگرهار ولایتی ده شهر نینگ تشقری سیده گی بیر امنیتی پوسته گه قره ته جنگری لر هجوم اویشتیرگن.
خودی منه شو هجوم آرتیدن خوف سیزلیک کوچ لری بیلن جنگری لر آره سیده توقنشو یوز بیرگن.
ننگرهار ولایتی سرپرستی نینگ سوزلاوچیسی ضیا عبدالزی, جمعه کونی کیچه کیچ ساعت لر ده باشلب کیتگن اوشبو توقنشو لر نینگ بیر نیچه ساعت دوام ایتگن لیگی نی بیلدیردی.
عبدالزی, قوشیمچه امنیتی کوچ لرنینگ حادثه محللی گه ییتیب کیلیشی آرتیدن توقنشو لرنینگ اداغگه ییتگن لیگی نی بیلدیردی.
اوشبو هجوم نینگ مسئولیتی نی طالبان داخل هیچ بیر تمان اوز بوینی گه آلمه دی.
