ینگی کابینه نینگ سککیز وزیری اوز وظیفه سی گه باشله دی

افغانستانده ینگی کابینه نینگ سککیز نفری وزیری قسم یاد ایتیب اوز وظیفه سی گه باشله دی.
اوشبو کیشی لر اوتگن هفته ده ولسی جرگه دن اعتماد رائی کسب ایتگن ایدی.
توناون توشدن کیین جمهوررئیس لیگی قصری ده بولیب اوتگن قسم یاد ایتیش مراسمی گه افغانستان جمهوررئیسی محمد اشرف غنی, اجرائیه رئیسی عبدالله عبدالله و باشقه رهبر لر اشتراک ایتدی.
اوشبو ینگی وزیر لر, مقدس اسلام دینی گه مطابق حرکت ایتیش, افغانستان نینگ اساسی قانونی نی رعایت ایتیش, انسان حق لری و افغانستان ملی منفعتی گه خدمت ایتیش بوییچه قسم یاد ایتدی.
قسم یاد ایتگن وزیر لر مالیه وزیری اکلیل حکیمی, ساغلیق نی سقلش وزیری فیروز الدین فیروز, ایچکی ایش لر وزیری نورالحق علومی, تشقی ایش لر وزیری صلاح الدین ربانی, مهاجر لر وزیری سید حسین عالمی بلخی, معادن وزیری داوود شاه صباح, قشلاق لرنی رواجلنتیریش وزیری نصیر درانی و حج و اوقاف وزیری فیض محمد عثمانی دن عبارت ایدی.
جمهوررئیس لیگی وکیل لرنینگ تعطیلاتی نینگ توگه شی آرتیدن ولسی جرگه دن اعتماد رایی آله آلمه گن نامزد لر نینگ اورنی گه باشقه کیشی لرنینگ معرفی قیلینه دیگن لیگی نی بیلدیردی.