ابراهیمی: دولت نینگ مشروعیتی یوق

افغانستان ولسی جرگه رئیسی عبدالرووف ابراهیمی, اساسی قانون گه کوره افغانستان ده دولت نینگ مشروعیت ایگه سی ایمس لیگی نی بلدرگن.
کابینه اعضا لری نینگ تعین ایتیله آلمیتگن لیگی ولسی جرگه ده ایریم سوال لرنینگ پیدا بولیشی گه سبب بولیب کیتدی.
ابراهیمی بوگون (چهارشنبه) بیرگن بیانات لری ده, "ایککی آی بولدی. سرپرست لیک معیادی هم تکمیل بولدی. بوندن کیین اساسی قانون گه کوره اوشبو دولت نینگ هیچ بیر شکل ده مشروعیت ایگه سی بولیشی ممکن ایمس. شونینگ اوچون بو کیچه دن باشلب کیم لرنینگ اعتماد رایی اوچون ولسی جرگه گه معرفی ایتیلیشی اوچون باش قاتریش لری کیره ک. وزیر لر نینگ مسئولیت لیک بیر شکل ده ایشلش لری ضروری" دییه قید ایتدی.
ابراهیمی, اوشبو طلب لری گه جواب قیتریلمس لیگی تقدیرده, قانون گه کوره دولت مسئول لری گه عکس العمل کورسه ته دیگن لیک لری نی بلدردی.
جمهوررئیسی اشرف غنی احمدزی, اوز وظیفه سی گه باشله گن کونده ۴۵ کون لیک بیر مدت مابینیده ینگی کابینه نینگ اعضا لری نی معرفی قیله دیگن لیک لری نی بلدررایکن, اوشبو موضوع بیلن علاقه لی تخصص و شایسته لیک نینگ اهمیت گه ایگه بوله دیگن لیگی نی معلوم قیلگن ایدی.
آلینگن خبر لر گه کوره, قدرت نینگ تقسیمی بوییچه جمهوررئیسی بیلن حکومت نینگ اجرائیه رئیسی آره سیده گی کیلیشموچیلیک لرنینگ کابینه نینگ قوریلیشی نینگ کیچ قالیشی گه سبب بولیتگن لیگی بلدریلماقده.
افغانستان جمهوررئیسی نینگ بیرینچی اورین باسری عبدالرشید دوستم قدرت نینگ ۵۰ فایز مقیاسی ده جمهوررئیسی بیلن اجرائیه رئیسی آره سیده بولینیشی نینگ عملی بیر نرسه دن عبارت ایمس لیگی نی بلدردی.