بوکون توشدن کیین جمهور رئیس ایردوغان افغانستان تمان جونه یدی

بیر کونلیک سفر دایره سیده افغانستان گه کیته دیگن رجب طیب ایردوغان، بوکون پایتخت کابل گه کیته دی.
اوشبو سفر منسبتی بیلن کابل ده امنیت تدبیرلری اینگ عالی سطح کوتاریلدی.
خاص شکل ده ایردوغان نینگ اوتیشی لازم بولگن گذرگاه لرده پولیس تمانیدن جدی بیر امنیت تدبیرلری الینگن دیر. اوسبو یوللردن کوپ اوتیب قیته دیگن موترلر توخته تیلیب و عاجل بولگن لری هم جدی تلاشی دن کیچیریلماقده دیر.
یوللردن بیرده گی قوماندان کمره لربیلن گپله شمسلیک اوچون قیلگن آچیقله ییشی ده " تناون کیچه دن بیری وظیفه ده من وایرتنگ چاییم نی هم ایچه المه گن من. لیکن خدا گه شکر که یره بیر وضعیت یوقدور " دیدی.
ایریچه جمهور رئیس ایردوغان اوته دیگن گذرگاه لر نینگ همه سی ترک و افغان بیراقلری بیلن بیزه تیلگن دیر.
ایردوغان، جمهور رئیس صفتیده اوزی نینگ بیرینچی یورتدن تشقری سفرینی دوست و ایناغه اولکه افغانستان گه عملگه اشیرماقده دیر. بوترتیب ده 46 ییلدن کیین بیرینچی مرته بیر ترک جمهور رئیسی افغانستان دن کوریب چیققن بوله دی.
اوشبو سفر افغانستانده بولگن صلح کوچی بولگن ایساف بنیه سیده خدمت ایتیب تورگن ترک عسکرلری نینگ 2014.نچی ییلدن کیین وظیفه سی نینگ معلوم قلینیشی نقطه نظریدن هم کتته اهمیت گه ایگه دیر.
بوکون توشدن کیین افغانستان نینگ پایتختی بولگن کابل گه باریشی کوتیلیب تورگن ایردوغان نینگ پروگرامی ده افغانستان ینگی جمهور رئیسی اشرف غنی احمد زی نی جمهور رئیسلیگیدن کیین زیارت ایتیشی بیلن باشلنه دی.
ارگ ده گی استقبال مراسمی دن کیین ایکله جمهور رئیس باشمه باش اوچره شه دیلر.
اوندن کیین افغانستان جمهور رئیسی اشرف غنی احمد زی تمانیدن، جمهوررئیس ایردوغان نینگ افتخاریگه توش ییمکی بیریله دی.
ییمک دن کیین ایکله جمهور رئیسلر بیر اورتاق مطبوعات مصاحبه سی بیره دیلر. مطبوعات مصاحبه سیدن کیین جمهور رئیس ایردوغان ینگی اجرائیه رئیسی بولگن داکتر عبدالله عبدالله بیلن اوچره شه دی.
اوشبو اوچره شوویدن کیین بولسه جمهور رئیس ایردوغان اوزبیک لیدر و افغانستان ینگی بیرینچی جمهور رئیس اورین باسری ستر جنرال عبدالرشید دوستیم بیلن اوچره شه دی.
بو اوچره شوولردن کیین جمهور رئیس ایردوغان ارگ دن ایریلیب، ترک عسکرلری قرار تاپگن "کمپ دوغان"آتلی دوغان قشله سیگه باریب بوییرده گی موظف ترک عسکرلریگه بیر خطابه بیره دی.
جمهور رئیس ایردوغان نینگ آقشام ساعت لریده اولکه سیگه قیتیب کیلیشی کوتیلماقده دیر.