قندهار ده انتحاری هجوم اویشتریلگن

افغانستان نینگ قندهار ولایتی ده طالبان تمانیدن انتحاری هجوم اویشتریلگن.
افغانستان دن بیر نفر مسئول کیشی اوشبو حادثه عاقبتیده قندهار ده بیر اولسوال لیک نینگ پولیس آمری و ایککی نفر محافظی نینگ جان بیرگن لیگی نی بلدردی.
قندهار ولایتی نینگ سوزلاوچیسی صمیم خپلواک, اوشبو هجوم نینگ یکشنبه کونی کیچقرون ارغستان اولسوال لیگی نینگ پولیس مرکزی گه قره ته اویشتریلگن لیگی نی معلوم قلدی.
خپلواک, اوشبو انفجار حادثه سی عاقبتیده عبدالمناف و ایککی نفر بادیگاردی نینگ جان بیرگن لیگی نی بلدررایکن, آلتی نفر پولیس نینگ ایسه یاره لنگن لیگی نی ایسله تیب اوتدی.
طالبان سوزلاوچیسی قاری یوسف احمدی ایسه انترنت آرقه لی بیرگن بیانات لری ده اوشبو هجوم نینگ مسئولیتی نی اوز بوینی گه آلگن لیک لری نی بلدردی.