افغان منصبدار انگاستان گه سیغینیش نی طلب ایتدی

ولز ده بولیب اوتگن ناتو رهبر لر ییغیلیشی گه اشتراک ایتگن افغانستان لیک منصبدار, انگلستان گه باریب سیغینیش نی طلب ایتدی.
انگلیس مطبوعاتی ده باسیلیب چیقگن خبر لر گه کوره, عنایت برک نامیده گی منصبدار نینگ, ناتو رهبر ییغیلیشی جریانی ده افغانستان بیراغی تاشیشی کیره ک ایدی.
برک نینگ لندن ده گی هیتدرو قونلغه سی ده, پولیس دن سیغینیش نی طلب ایتگن لیگی معلوم قلیندی.
مطبوعات, برک نینگ, افغانستان مدافعه وزیری بسم الله محمدی باشچی لیگی ده گی هیئت نینگ اعضاسی دن عبارت ایکن لیگی نی بلدررایکن, افغانستان مدافعه وزیرلیگی ایسه برک نینگ اوشبو هیئت نینگ ایچی ده اورین آلمه گن لیگی نی بلدردی.
برک نینگ انگلستان گه سیغینیش نی طلب ایتگن لیگی نی تائید ایتگن مدافعه وزیرلیگی نینگ سوزلاوچی سی ظاهر عظیمی, حادثه بیلن علاقه لی تحقیقات باشله تیلگن لیگی نی معلوم قلدی.
ولز ده گی ناتو رهبر لر ییغیلیشی گه افغانستان نینگ ینگی جمهوررئیسی نینگ اشتراک ایتیشی کوتیلماقده ایدی. براق, سیلاو پروسه سی نینگ دوام ایتیشی سببلی افغانستان حکومتی مدافعه وزیری محمدی نی نماینده اوله راق یوباردی.