افغانستان ده جمهوررئیس لیگی سیلاو لری

افغانستان ده جون آیی نینگ ۱۴ نچی کونیده بولیب اوتگن جمهوررئیس لیگی سیلاو لری نینگ ایککینچی روندی ده بیریلگن رای لرنینگ قیته باشدن سنه لیشی ایش لری ینه بیر بار معطل قلینیب قویلدی.
افغانستان مستقل سیلاو کمیسیونی نینگ باشلیغی یوسف نورستانی رای لرنینگ شبنه کونی قیته باشدن سنه لیشی ایش لری نینگ دوام ایته دیگن لیگی نی بلدردی.
سیلاو کمیسیونی تمانیدن بیریلگن معلومات لر ده, کاندید لر دن بیری بولگن عبدالله عبدالله نینگ ناظر لری نینگ اشتراک ایتمه گن لیگی اوچون رای لرنینگ سنه لیشی ایش لری نینگ ۲۴ ساعت لیک بیر مدت بیلن تمدید ایتیلگن لیگی قید ایتیلدی.
رای لرنینگ سنه لیشی پروسه سی نینگ ینه بیر مرته تمدید ایتیلمیدیگن لیگی نی بلدرگن سیلاو کمیسیونی مسئول لری, عبدالله نینگ, قانونی بولمه گن رای لرنینگ کنسل قلینیشی اوچون بیرلشگن ملت لر تشکیلاتی و سیلاو کمیسیونی تمانیدن بلدریلگن قاعده لر نی قبول ایتمه گن لیگی سببلی رای لرنینگ قیته باشدن سنه لیشی گه اشتراک ایتمه گن لیگی نی ایسله تیب اوتدی.
عبدالله نینگ سوزلاوچیسی فاضل سانچاره کی ایسه, اولرنینگ طلب لری گه هم اهمیت بیریلیشی اوچون مسئول لر بیلن ارتباط ده ایکن لیک لری نی بلدررایکن, رای لر نینگ سنه لیشی پروسه سی گه اشتراک ایته دیگن لیک لری نی بلدردی.
قانونی بولمه گن رای لرنینگ کنسل قلینیشی بیلن علاقه لی کیلیشموچیلیک لر سببلی رای لرنینگ قیته باشدن سنه لیشی پروسه سی بیرم دن قریب بیر هفته آلدین توخته تیلیب قویلگن ایدی.
ایککینچی روند ده کاندید لردن عبارت عبدالله عبدالله و اشرف غنی احمدزی, پیدا بولگن کیلیشموچیلیک لر آرتیدن امریکا قوشمه ایالت لری تشقی ایش لر وزیری جان کری نینگ تشبث لری بیلن رای لرنینگ قیته باشدن سنه لیشی بوییچه کیلیشیب آلگن ایدی.