افغانستان ده سیلاو بیلن علاقه لی معما لر دوام ایتماقده

افغانستان ده سیلاو بیلن علاقه لی معما لر دوام ایتماقده.
عمومی سیلاو لر ده گی قانون بوزرلیک لر گه قرشی عیال لر هم عکس العمل کورستدی.
پایتخت کابل ده ناراضی چیلیک نمایش لری اوتکزگن عیال لر, تقلبی رای لر نینگ سنلمس لیگی کیره ک ایکن لیگی نی بلدردی.
سیلاو کمیسیونی عمومی سکرتری ضیاوالحق امرخیل گه عاید ایکن لیگی ادعا ایتیلگن بیر تلفنی صحبت نینگ ترقه تیلیشی آرتیدن سیلاو لر ده قانون بوزرلیک لر بیلن علاقه لی ادعا لر مطرح ایتیلیب باشلندی.
یمان شرایط ده رای بیرگن لیک لری نی بلدرگن عیال لر, تقلبی ایکن لیگی بلدریلگن رای لرنینگ سنلمس لیگی کیره ک ایکن لیگی نی معلوم قلدی.
عبدالله عبدالله آلدین رقیبی نینگ غلبه قازانیشی اوچون رای صندق لری نینگ تولدیریلگن لیگی نی ادعا ایتگن ایدی.
براق, عبدالله نینگ رقیبی بولگن اشراف غنی احمدزی نینگ هم مطرح ایتیتگن قانون بوزرلیک لر موجود.
خلق ایسه قانون بوزرلیک ادعا لری بیلن علاقه لی ایککی قسم گه اجره لیب قالگن وضعیت ده. ایککی تمان هم بیر بیر لری نی قانون بوزرلیک بیلن عیب له ماقده.
افغانستان مستقل سیلاو کینگشی سیلاو آقشامی بیرگن بیانات لری ده, افغانستان ده ۷ میلیون کیشی نینگ رای بیرگن لیگی نی بلدرگن ایدی.
اوشبو سیلاو لرنینگ نتیجه سی نینگ جولای آیی ده معلوم بولیشی کوتیلماقده.
کاندید لرنینگ نتیجه بیلن علاقه لی اعتراض بلدریش لری تقدیرده, اولکه ده ینه ده کتته راق ناراضی چیلیک نمایش لری نینگ بولیب اوتیشی نینگ ممکن ایکن لیگی بلدریلماقده.