شرقی مدیترانه و انرژی

تاپیلگن سونگّی انرژی منبع لری بیلن بیرگه شرقی مدیترانه دقت لرنی اوزی گه تارتماقده.  بوگون خوددی شوو موضوع حقیده سوز یوریته میز. 

میلادی 2000- ییلده شرقی مدیترانه ده هایدروکاربن منبع لری نینگ تاپیلگن لیگی بوییچه بحث لر باشلب کیترایکن, 2007- ییل 26- جنوری ده خلق ارا بحران گه سبب بوله دیگن جوده مهم بیر ینگیلیک یوز بیردی. 

جنوبی قبرس روم رهبریتی, شرقی مدیترانه ده بیر تامانلمه اوله راق منحصر اقتصادی منطقه اعلان قیلدی.  تقریباً همه سی بحث و مناظره لر گه سبب بولیاتگن 13 نقطه ده هایدروکاربن قیدیریش ایشلرینی باشله ته دیگن لیگینی بیلدیردی. 

امریکا قوشمه ایالتلری جیولوژیک تدقیقاتلر مرکزی نینگ معلوماتی گه کوره, شرقی مدیترانه ده تقریباً توپلم ارزشی 1,5 تریلیون دالر بولگن 30 میلیارد بیرل پطرول گه تینگ هایدروکاربن منبعی موجود.  بونینگ جوده کتته بیر بولیمی ایسه طبیعی گاز دن عبارت...

مدیترانه گه قوشنی بولگن اولکه لر بیلن خلق ارا اکتور لرنینگ منطقه ده آلیب باریاتگن هایدروکاربن قیدیریش فعالیت لری, شرقی مدیترانه ده انرژی بوییچه ینگی موازنه لرنینگ پیدا بولیشی گه سبب بولماقده. 

جنوبی قبرس روم رهبریتی ادعا لرینی کوچه یتیریش اوچون مصر و یونان بیلن کیلیشوو لر امضاله دی. 

تورکیه جمهوریتی ایسه جنوبی قبرس روم رهبریتی نینگ اوشبو ایشی گه قتتیق عکس العمل کورستدی.  ماوی وطن دکترینی قبول قیلیندی.  تورکیه, منطقه ده گی حق لری دن واز کیچیمه یدیگن لیگی و دینگیز صلاحیت ساحه لری نی خلق ارا مقیاسده بیر ناوتکس ترقه تیب اعلان قیلدی.

انقره, اروپا اتفاقی نینگ تهدید لری گه ضد بیر شکلده ادعا لری نی کوچه یتیره دیگن قدم لر تشله دی.  لیبیا بیلن دینگیز صلاحیت ساحه سی کیلیشووی امضالندی. 

اوشبو پروسه ده اروپا اتفاقی و امریکا قوشمه ایالتلری جنوبی قبرس روم رهبریتی نی حمایت قیلدی.  شرقی مدیترانه ده گی گاز نینگ اروپا گه انتقال ایتدیریلیشی هدفی بیلن تورکیه بیر تامان گه قوییلیب EastMed پروژه سی اعلان قیلیندی.

اوشبو پروژه گه کوره, شرقی مدیترانه دن چیقریله دیگن طبیعی گاز نینگ یونان آرقه لی ایتالیا گه و او ییردن ایسه اروپا اتفاقی اولکه لری گه آلیب باریلیشی کوتیلماقده. 

پلان لر یریم بولیب قالدی.  امریکا قوشمه ایالتلری میلادی 2022- ییلدن باشلب 30 میلیارد دالرلیک بولیشی کوتیلگن اوشبو پروژه نی حمایت قیلیش نی قویدی. 

هایدروکاربن منبع لریدن تشقری, سوریه ده گی ایچکی اوروش, فلسطین اسرائیل مسئله سی, شرقی مدیترانه نی خلق ارا اکتور لر اوچون بیر کوچ کوره شی ساحه سی گه ایلنتیرماقده. 

کوپلب اولکه نینگ شرقی مدیترانه خلق ارا سوو لریده حربی لری نینگ موجود ایکن لیگی بیلینماقده. 

امریکا قوشمه ایالتلری نینگ مدیترانه ده 7 اوروش کیمه سی و 2 سوو آستی کیمه سی موجود. 

انگلستان نینگ قبرس ارالیده مهم بیر حربی مرکزی بار. خوددی شوو ییر نینگ اوزیده کشفی فعالیت لر یوریته دیگن تورنادو اوچاق لری بیلن 6 اوروش اوچاغی موجود.  عینی دمده موقعیت لری مخفی بولگن هجوم و عقللی سوو آستی کیمه لری و اوروش کیمه لری هم موجود آقدینگیزده...

فرانسه, اوروش کیمه سی بیلن کوچلری نی تیز- تیز شرقی مدیترانه گه یوباریب تورماقده.

روسیه سوریه نینگ لاذقیه شهریده گی حمیمم حربی مرکزیده اوزاق بیر مدتدن بیری اوزی نینگ عسکری موجودیتی نی دوام ایتدیرماقده. 

مسکو نینگ شرقی مدیترانه ده مینگلب کیلومترلیک منزلی بولگن سوو آستی کیمه لر گه قرش کوره ش بوییچه حربی تجهیزاتی و ایکّی اوروش کیمه سی موجود. 

میلادی 2022- ییل جون آییده شرقی مدیترانه گاز ییغیلیشی دایره سیده مصر, اسرائیل و اروپا اتفاقی آره سیده پایتخت قاهره ده طبیعی گازنینگ انتقال ایتدیریلیشی و صادراتی بیلن علاقه لی اوچ تامانلمه کیلیشوو امضالندی.  اوشبو کیلیشوو نینگ ینه ده کوچه یتیریلیشی مقصدی بیلن تمار ساحه سیدن مصر گه طبیعی گاز صادراتی نینگ آرتیریلیشی نی تصدیق له گن لیگینی بیلدیردی. 

اسرائیل نینگ غزه گه قره تیلگن هجوملری قنده ی تاثیر گه ایگه بولدی؟

غزه ده گی اوروش نینگ شرقی مدیترانه ده گاز ساحه لری نینگ کیله جکده گی رواجله نیشی گه اوزاق مدتلی تاثیری نینگ بولیشی کوتیلماقده. 

اسرائیل نینگ غزه گه قره تیلگن هجوملری, شرقی مدیترانه ده گی انرژی خوفسیزلیگی نی قتتیق تهدید ایتماقده. 

اروپا نینگ انرژی خوفسیزلیگی نی تامین قیلیش گه مجبور ایکن لیگی, شرقی مدیترانه  اوچون بیرته گینه پروژه نینگ مهم ایکن لیگینی کورستماقده.  اوشبو پروژه نینگ هم, تورکیه آرقه لی اروپا گه طبیعی گاز انتقال ایتدیریلیشی دن عبارت بولیشی کوتیلماقده.