تورکیه گه خاص چینی حقیده بیر یازوو

تورکیه گه خاص چینی حقیده بیر یازوو

کوتاهیا چینیسی

تورکیه نینگ ایگه منطقه سیده جایلشگن قدیمی کوتاهیا ولایتی، بیزه ش صنعتی نینگ جوده مهم اورنیکی بولمیش چینیلری بیلن تنیلماقده دیر. تورکیه دن تشقریده هم مشهور بولیب کیتگن کوتاهیا چینیسی کوتاهیا چینیچیلر، فوتو تصویرچیلر و قول صنعتلری کسبه کارلری اتاقی تامانیدن بولگن مراجعه گه بناً 2005 ییلی تورکیه نینگ ثبت قیلینگن جغرافی اثرلری قطاریگه کیریتیلگن دیر. چینی، لای، کائولین، کوارتز کبی ماده لرنینگ مناسب اندازه ده اره لشتیریشب بیشیریلیشی بیلن قولگه کیریتیلماقده دیر. چینی نینگ رنگی آق بوله دی بیراق اونی رنگلی قیلیش اوچون سیر بیلن قاپلب قیته دن بیریش کیره ک بوله دی. اینیقسه دیوار بیزه ش اوچون ایش آلینگن غوری، تباق، گلدان کبی هدیه لیک اشیالر هم توزه تیلماقده. چینی ایشی جوده قیین و محنتلی بیر ایش دیر. اینیقسه نقشه نی بیله دیگن استا و تعلیم آلگن کیشیلر تامانیدن ایشلب چیقریلماقده دیر. کوتاهیا چینی سی اوچون ایش آلینگن نقشه عمومی دیر و تورک مدنیتی نینگ بیر پارچه سی دیر. لاله، باغ گلی، مرسل، سمبل کبی کوپلب گل نقشه لریدن ایش آلینماقده دیر. اویغور دوریدن بوگونگی کونده قریب بیر مینگ ییللیک اوتمیشی بولمیش چینی ایشی اینیقسه اناطولی سلجوقی دولتی و عثمانلی دولتییده جوده رغبت کوریب رواجلنگن دیر. قونیه، سیواس، قیصاری، ملاتیا و ایرزوروم قاله ویرسه کوپلب شهرلرده گی قدیم بنالر شونده ی بولیب بورسا، ایدیرنه و استانبولده جایلشگن ییریک و تاریخی مسجدلر هم کوتاهیا چینیلری بیلن بیزه لگن دیر.