پنسلین نینگ کشف ایتیلیشی حقیده بیر یازوو
برنامه
پنسلین نینگ کشف ایتیلیشی حقیده بیر یازوو
دیفیتری، کوک یوتل، فارانژیت کبی کسللیکلر اوتگن عصرنینگ باشلریگچه میلونلب انسان نینگ اولیشی گه سبب بولگندی. بونده اینگ اساسی سبب علمی فعالیتلرنینگ ییترسیزلیگی قاله ویرسه بو کبی کسللیکلرگه قرشی کوره ش شکلی نینگ بیلینمه یشی، طبیعی گیاهلردن قولگه کیریتیلگن داریلرنینگ ییترسیزلیگی ایدی. اینیقسه وبا پیتلریده بیر قصبه ویا شهرده قیسقه مدت ایچیده مینگلب انسان نینگ حیاتینی یوقاتیشی گه سبب بولگن بو کبی کسللیکلرگه چاره بولگن پنسلین ایسه تصادفاً کشف ایتیلدی.
آچیق روشده قوییلگن نان، پنیر کبی آذیق – اوقات نی بیر مدت کیین پونک اوروب باشله دی. بو پوپنکلر درحقیقت بیر قوزی قرنی خیلیدن دیر. پوپنک قوزی قرنی آکسیجن تارته دی و هرجایده کوکره دی. نملی جایلرده کوکرگن پوپنک قوزی قرنی کوپ ایسّیق و ساووق جایلرده بولمه یدی. آذیق – اوقاتلرنی موزلتگیچلر یاکی ساووتگیچلرده قوییش نینگ سببی هم انه شوندن کیلیب چیقماقده. خوف پوپنک قوزی قرنی بیلن پنسلین آره سیده نیمه مناسبت بار؟ 1881 ییلی اسکاتلندده دنیاگه کیلگن و اوزاق مدت لندن ده گی عزیزه ماری کسلخانه سی نینگ واکسین بولمیده ایشله گن بیلیم آدمی الکسندر فلمینگ بو سوال نینگ جوابینی تصادفاً تاپگن بیلیمدان دیر.
بیرینچی جهان حربی گه حربی داکتر بولیب وظیفه قیلگن فلمینگ جبهه ده گی یمان شرطلر طفیلی التهاب گه دوچ قالیب اولگن حربیلرنی کورگن دیر. فلمینگ اوروش یکونلنگندن کیین عزیزه ماری کسلخانه سیگه قیتیب ایش گه باشله دی و انتیسپتیک اوستیده تحقیق آلیب باریش گه باشله دی. بیراق 1928 ییلیگچه موفق بولمه دی. بیر کون تعطیلدن قیتیب کیلگنده ایچیده تورلی باکتری بولمیش آغزی آچیق قالگن تباق نی پوپنک باسگن لیگینی کوره دی. تباق نی یووگونچه پوپنک نینگ چیگه تامانلریده گی جیل کبی ماده ده باکتری وبولمه گن لیگینی کوردی. بیراق تباق نینگ ایریم منطقه لری باکتریدن تولیب تاشگندی. فلمینگ باکتیریلرنی یوقه تیب تشله گن نینگ بو پوپنک ایکن لیگینی توشوندی. فلمینگ باکتریلرنی یوق قیلیب تشله گن نرسه نینگ پوپنک بولگن لیگینی و بو پوپنکلرنینگ چیکه سیده بولگن سوویق نرسه گه پنسلین دیب اته دی. فلمینگ اوزاق مدت پنسلین نی پوپنکدن اجره تیش گه اوروندی بیراق موفق بولمه دی و فعالیتلرینی ادغگه ییتکیزدی. فعالیتلری حقیده بیر مقاله نشر قیلگن فلمینگ تصادفی کشفی نینگ کسللیکلرنی تداویسیده هم فایده لنیشی ممکن ایکن لیگینی بیلدیردی. بو مقاله انگلیس بیلیمدانلری هوارد فلوری و ارنست چین نینگ علاقه سینی اوزیگه تارتیب آلدی و ایککی ته لیک پنسلین اوستیده باش قاتیریش گه باشلندی. فلمینگ دن هم یاردم الگن بو ایککی بیلیمدان 1939 ییلی پنسلین نی صافلشتیریش گه موفق بولدی. بیراق انگلستان بیلن آلمان ایککینچی جهان حربی گه کیرگندی. او پیتده انگلستان ده گی فابریکه لرده حربی موادلر داوچون ایش الیشدن ایریم نرسه لرگه رخصت بیریلمس ایدی. شونده ی بولیب هوارد فلوری و ارنست چین تحقیقلرینی امریکا قوشمه ایالتلریده دوام ایتتیردی. پنسلین نینگ بیر داری اوله راق دنیا مقیاسیده تن آلینیشی ایسه بوندن کیین باشله دی. چونکه امریکا اردوسی قاله ویرسه متفق کوچلر پنسلین نینگ تاثیری بیلن باکتری کسللیکلری نینگ کمه یگن لیگینی کوری و حربی تلفات کمه ییب کیتدی. الکسندر فلمینگ نینگ تصادفی اختراعی پنسلین فلمینگ بیلن بیر قطارده هوارد فلوری و ارنست چین نینگ 1945 ییلی نوبل ساورینی آلیشی گه وسیله بولدی. بوندن مهمراغی میلیونلب انسان نی قوتقردی و حلی هم قوتقریش گه دوام ایتماقده.
