اقلیم اوزگریشی نینگ کسلخانه لر گه قالدیره دیگن تاثیری

فزیکی اقلیم ریسک لری توغریسیده ایش آلیب باریاتگن تحقیقی موسسه دن عبارت اکس دی آی (Cross Dependency Initiative) بیرلشگن ملتلر تشکیلاتی اقلیم اوزگریشی چوکات کیلیشووی 28- تامانلر کنفرانسی نینگ (COP28) ساغلیق کونیده, اقلیم اوزگریشی نینگ سبب بولگن افراطی هوا حادثه لری نینگ کسلخانه لرگه قالدیره دیگن تاثیری نینگ تیکشیریلگن 2023 خلق ارا کسلخانه زیربنا فزیکی ریسکی راپوری نی ترقه تدی. 

دنیا مقیاسده گی 200 مینگ دن آرتیق کسلخانه نینگ ریسک انالیزی نینگ اورین آلگن اوشبو راپورگه کوره, قیرغاق لر و دریا لرنینگ یقینیده اورین آلگن کسلخانه لر اینگ کوپ ریسک آستیده بولیب, دریا و سطح ده گی سوو تاشقین لری کسلخانه لر گه ضرر ییتکزیش ریسکی نی آرتیره دی.  هوا حادثه لری نینگ آرتیب کیتیشی و دینگیز سووی سویه سی نینگ کوتریلیشی نتیجه سیده خوددی شوو کسلخانه لر گه قره تیلگن ریسک لر هم آرتیب بارماقده. 

فسیل یاقیلغی دن واز کیچیلمس لیگی و کاربن ترقه لیشی نینگ آرتیب کیتیشی نینگ دوام ایتیب اقلیم بحرانی تاثیری نینگ ینه ده کوپه ییشی تقدیرده, افراطی هوا حادثه لری سببلی میلادی 2100- ییلده دنیا بویلب هر 12 کسلخانه دن بیری نینگ قسماً یاکه بوتونله ی یاپیلیش ریسکی گه دوچ کیلیب قالیشی ممکن.

اوشبو میزان توپلم 16 مینگ 245 کسلخانه نینگ بونده ی بیر خطر گه دوچ کیلیب قالیشی نینگ ممکن ایکن لیگی معنی سی گه کیلرایکن,  خوددی شوو رقم هم حاضرگی کونده یوکسک ریسک آستیده بولگن کسلخانه سانی نینگ تقریباً ایکّی قَوَتی نی تشکیل ایتماقده. 

شوباعث اوشبو کسلخانه لرنینگ همه سی اوچون اقلیم گه اویغونلیک بوییچه بودیجه اجره تیلیشی کیره ک.  حتی اوشبو بودیجه نینگ موجود بولیشی تقدیرده هم ایریم کسلخانه لرنینگ باشقه جای لر گه انتقال ایتدیریلیشی نینگ کیره ک بولیشی ممکن. 

یوقاری سویه ده ریسکلی بولگن 16 مینگ 245 کسلخانه نینگ 71 فایزی فقیر و اورته عایداتلی اولکه لرده اورین آلماقده. 

راپورده گی یوقاری کاربن ترقه لیش سناریوسی گه کوره, افراطی هوا حادثه لری نینگ جهان بویلب کسلخانه لر گه ضرر ییتکزیش ریسکی عصر نینگ سونگّی گه قدر تورت قوت دن آرتیق آشرایکن, پس کاربن ترقه لیش سناریوسیده اوشبو ریسک آرتیشی 106 فایز گه توشماقده. 

فسیل یاقیلغی دن فایده له نیش نینگ جدل روشده آزه تیریلیشی بیلن خلق ارا ایسسیق لیک آرتیشی نینگ 1,8 درجه ده قالیشی تقدیرده, کسلخانه زیربنا سی گه ضرر ییتکزیش ریسکی یوقاری کاربن ترقه لیش سناریو سی گه کوره یریم گه توشیب کیته دی. 

هوا حادثه لریدن اینگ کوپ تاثیرله نه دیگن کسلخانه لر جنوبشرقی آسیا ده اورین آلماقده.  یوقاری کاربن ترقه لیش سناریوسی گه کوره, جنوبشرقی آسیا ده گی تقریباً هر 5 کسلخانه دن بیری نینگ جاری عصر نینگ سونگّیده بوتونله ی یاکه قسماً یاپیلیشی ممکن. 

تورکیه ده هوا حادثه لری سببلی یاپیلیشی ممکن بولگن کسلخانه لر میزانی نینگ میلادی 2050 – ییل گه قدر 3,8 فایز دن 4,4 فایز گه کوتریلیشی نینگ ممکن ایکن لیگی بیلدیریلماقده.

کاربن ترقه لیش میزانی نینگ کوپ بولیشی تقدیرده جاری عصر نینگ سونگّیده 20 کسلخانه دن بیری نینگ افراطی هوا حادثه لریدن تاثیرله نه دیگن لیگی و تورکیه ده 99 کسلخانه نینگ اقلیم اوزگریشی سببلی حددن تشقری هوا حادثه لری باعث یوقاری درجه ده ریسک آستیده بوله دیگن لیگی تخمین ایتیلماقده. 

اکس دی آی بیلیم و تکنالوژی باشلیغی کارل مالون, راپور نینگ بیر بولیمیده, اقلیم اوزگریشی نینگ دنیاده گی انسان لرنینگ ساغلیغی گه تاثیری نینگ کونساین آرتیب باریاتگن لیگینی بیلدیررایکن, "ققشتگیچ هوا شرایطی کسلخانه لرنینگ یاپیلیشی گه سبب بولسه هم, انالیزی میز؛ فسیل یاقیلغی دن جدل روشده واز کیچیلمس لیگی تقدیرده, مینگلب کسلخانه نینگ بحران لر جریانیده فعالیت یوریته آلمه یدیگن بیر وضعیت گه کیلیب قالیب خلق ارا مقیاسده  ساغلیققه قره تیلگن ریسک لرنینگ ینه ده آرتیب کیته دیگن لیگینی کورستماقده" دییه قید ایتدی. 

مالون, کسلخانه لر گه قره تیلگن ریسک نی مهم مقیاسده آزه یتیره دیگن اینگ یخشی یول نینگ کاربن گازی ترقه لیش میزانی نینگ کمه یتیریلیشی دن عبارت ایکن لیگینی معلوم قیلدی.