تورکیه و المپیاد بیلله شوولری

تورکیه المپیاد بیلله شوولریده

تورکیه جمهوریتی قتنشگن دستلبکی  خلق ارا بیلله شوونینگ 1924 ییلی پاریس المپیاد بیلله شوولر ایکنلیگینی بیله سیزمی؟

دنیا مقیاسیده اینگ بویوک خلق ارا سپورت پروگرامی بولمیش المپیاد بیلله شوولریگه تورکیه جمهوریتی رسمی روشده ایلک مرته 1924 ییلی پاریس ده قتنشگن دیر. ینگی تورک دولتی دنیا بویلب تنیلماق اوچون المپیاد بیلله شوولرینی یخشی بیر تبلیغ واسطه سی ایتیب کورگن دیر. قوتیلیش اوروشی نینگ آرتیدن دولت منبع ییترسیزلیگی بولگن حالده بویوک فداکارلیکلر بیلن پاریس گه فوتبال، کوره ش، یوگوریش و بایسکیل کبی ساحه لرده 40 سپورتچی جونتگن دیر.

1936 ییلی المپاد بیلله شوولری گروهی نینگ ایچیده ایلک مرته عیال سپورتچیلر هم اورین آلگن دیر. 2- جهان حربیدن آلدین برلین ده "نازیسم" آیدولوژیسی و ادولف هیتلرنینگ چتری آستیده بولیب اوتگن 11- المپیاد بیلله شوولری گه تورکیه 2 ته سی خاتین – قیز توپلم 60 نفر سپورتچی قتنشر ایکن المپیاد بیلله شوولری دستبلکی میدال بو جایده قولگه کیریتیلگن دیر. المپیاد بیلله شوولریده ستیژگه چیققن ایلک کیشی ایرکین گوره ش ساحه سیده میس میدال آلگن مرسینلیک احمد کیرچچی بولگن دیر. گوره شده ایلک آلتین میدال نی تورکیه گه کیلتیرگن کیشی ایسه یشر ایرکان دیر. بو خبرنی ایشیتگن مصطفی کمال آتاتورک "اوزینگ کیچیک سن؛ بیراق مملکت اوچون کتته ایش بجردینگ. آتینگ تورک سپورت تاریخی گه ثبت بولدی. اوزاق عمر تیله یمن" دیب بیر تلگراف یوباریب تبریک ایتگن دیر.

جمهوریت نینگ دستلبکی ییللریدن اعتباراً تورک سپورتچیلرنینگ دنیانینگ دنیا مقیاسیده اینگ بویوک سپورت بیلله شووی بولمیش المپیاد بیلله شوولریگه اورین آلیشی تورک سپورت تاریخی جهتیدن جوده مهم دیر. اوزاق ییللر اوروش نینگ ایچیده قالگن تورک سپورتی نینگ رواجلنیشیده المپیاد بیلله شوولریگه اورین آلیش نینگ انچه تاثیری باردیر. مصطفی کمال آتاتورک نینگ باشچیلیگیده قورولگن تورکیه جمهوریتی تورلی ساحه ده بولگندیک سپورت گه بیرگن همکارلیگی بیلن هم بیر دولت ایکن لیگینی کورستگن دیر.