تورکیه بالتی و بطری ایشلب چیقریشده قیسی باسقیچده؟
برنامه
تورکیه بالتی و بطری ایشلب چیقریشده قیسی باسقیچده؟
تخنیک اسبابلردن تارتیب اتوموبیلگچه، کامپیوتېردن مابیل تېلفونگچه الکتریک قوّتی بیلن ایشله‌یدیگن قوریلمه‌لر سانی کون سیین آرتیب بارماقده.
شو سببلی، بطریلر و بالتی تکنالوژي‌لری مملکتلر اوچون "مهم تکنالوژي" حسابلنه‌دی.
حاضرگی وقتده بوتون دنیا بویلب بطری ایشلب چیقریش قوّتی 2،6 توت/ساعتنی تشکیل قیله‌دی. 2030-ییلگه باریب بو کورسه‌تکیچ 3،5 برابر، یعنی 9 توت/ساعتگه یېتیشی کوتیلماقده.
شو سببلی تورکيه هم اوشبو مهم محصولاتگه سرمایه کیریتیشنی قوللب-قوّتله‌یدی. گېملیک شه‌هریده بیرینچی نوبتده برقی ترانسپورت واسطه‌لریده فایده‌لنیش اوچون بطری فابریکه قوریلدی.
اناطولی‌نینگ تورلی شهرلریده بطری و بطری تکنالوژي‌لرینی ایشلب چیقریشگه کتّه اهمیت بېریله‌دی. ینگی بطری فابریکه لری نینگ قوریلیشی هم کون ترتیبیده… عیناً شو سببدن تورکيه 25-26 سېپتامبر کونلری «بطری تکنالوژي‌لری جلسه سی»گه مېزبانلیک قیله‌دی.
جمهور رئیسلیک سرمایه کیریتیش اداره‌سی نینگ "ستر‌تېژیک همکارلیک" دایره‌سیده بطری ایشلب چیقرووچیلر و یېتکزیب بېرووچیلر اویوشمه‌سی تامانیدن تشکیل اېتیلگن بطری تکنالوژي‌لری جلسه سی گېبزه ولایتیده‌گی بیلگی علاقه واديسیده بولیب اوته‌دی.
جله ده بطریلر و بطری تکنالوژي‌لری ساحه‌سیده فعالیت کورسه‌تووچی محلي و خارجلیک 32 نفر متخصص معروضه‌چی اشتراک اېته‌دی. اولر 750 گه یقین اشتراکچیلر بیلن اوچره‌شه‌دیلر.
پروگرامده بطری اېکوتیزیمی نینگ هر بیر باسقیچی، خام اشیا جریانلریدن حجره ایشلب چیقریش تخنیکی گچه، فوق العاده بطری علاوه‌لریدن برقرار چیقیندیلر استراتیژيلری گچه تارتیشیله‌دی.
ینگی زمانوی غایه‌لرنی باهم کوریش، اېنگ سونگگی تکنالوژیک اوزگریشلر و خلق‌ارا استقباللرنی تورکيه‌گه آلیب کیریش مقصدیده اویوشتیریلگن جلسه ده، تورکيه بیلن بیر قطارده توپلم، 12 دولت اشتراکچیلری ایکّی کون دوامیده انرژی کون ترتیبینی تیلگه آله‌دی.
پی̇لدېر کمپنیسی رهبری قدم اوستا اناطولی آژانسی گه بېرگن بیاناتیده انرژی سقلش تکنالوژي‌لرینی "انرژیده‌گی یونه‌لیشنی اوزگرتیرووچی" دېب تعریفله‌دی.
او شونینگدېک، جلسه نینگ تورکيه‌ده‌گی بطری اېکوتیزیمی نینگ اېنگ ساغلام شکلده شکللنیشیگه کتّه حصه قوشیشیگه بولگن ایشانچینی تأکیدله‌دی.
"بطری تکنالوژي‌لری دنیاده‌گی برقرار انرژی المشینووی نینگ مهم قِسمیگه ایلندی. بطری و بطری صنایعی نهایتده دینا‌میک ساحه صفتیده جدل رواجلنماقده. مملکتیمیزده آرتیب باره‌یاتگن طلبگه قوشیمچه روشده، جی7 مملکتلری 2030 ییلگچه اېریشماقچی بولگن 1500 گوات ینگی گلوبا‌ل انرژی سقلش مقصدی هم اوشبو سکتور اوچون مهم امکانیت یرا‌ته‌دی. بیز اوشبو ساحه‌ده جهان بازاریده ثمره‌لیراق بولیش آرقه‌لی مملکتیمیز اقتصادی گه کتّه حصه قوشیشیمیز ممکن، شو نینگ اوچون بیز بطری و بطری تکنالوژي‌لریده ایشلب چیقریش مرکزی بولیش نیتی بیلن حرکت قیله‌میز"،-دېیدی .
قدم اوستا، 2022 ییلده 573 میلیون دالردن آرتیق بولگن لیتیوم-ایون حجره و بطری وارداتی سېزیلرلی درجه‌ده آشیب، 2023 ییلده 1،06 میلیارد دالرگه یېتگنینی اېسله‌تدی.
او قاله‌وېرسه، تورکيه‌ده بطری ایشلب چیقریش اېکوتیزیمیده سېزیلرلی اوزگریشلر کوزه‌تیلگنینی ایتدی.
"حاضرده 2 ته ایشلب چیقریش کارخانه‌سی فعال ایشله‌ماقده. جیگاوات ساعتدن آرتیق قوّتگه اېگه 4 ته ینگی کارخانه فعال، باسقیچده بو رقم ینه‌ده آرته‌دی. مملکتیمیز 2030 ییلگه باریب ایشلب چیقریش قوّتی 80 جگوات/ساعتدن آشیشینی تخمین قیلماقده‌میز"،دېیدی.
انرژی بازارینی ترتیبگه سالیش تشکیلاتی‌نینگ سقلنگن انرژی ایشلب چیقریش جواز‌لری و برقی واسطه ایشلب چیقریش بیلن تورکيه نینگ لیتیوم-ایون حجره و بطری طلبی 2030 ییلگه کېلیب 10 میلیارد دالردن آشیشی کوتیلماقده.
تورکيه بطری صادراتینی 2022-ییلده‌گی 10،5 میلیون دالردن 2023-ییلده 39،7 میلیون دالرگه یېتکزدی. لیتیوم-ایون بطریلر حاضرده 100 گه یقین کارخانه‌ده ایشلب چیقریلماقده.
