تورکیه گه خاص بیر کییم حقیده بیر یازوو
برنامه
تورکیه گه خاص بیر کییم حقیده بیر یازوو
کستمونو آزداوای کییمی
تورکیه نینگ قاره دینگیزی منطقه سیده جایلشگن کستمونو ولایتی نینگ آزداوای تومنیدن آتی کیلیب چیققن آزداوای کییمی منطقه خاتینلری تامانیدن توقیلگن کونده لیک کییلگن بیر کییمدن عبارتدیر. کییم بو تومن بلدیه سی نینگ مراجعه سیگه بناً 2020 ییلی تورکیه نینگ ثبت قیلینگن جغرافی محصوللری قطاریگه کیریتیلگن دیر. آزداوای کییمی کستمونونینگ آزداوای تومنیگه خاص عنعنوي کییم بولیب، قیشلاقلرده قول محنتی بیلن تیارلنه‌دی. بو کییم باشگه کيیله‌دیگن توپّی و اونی محکملش اوچون ایشله‌تیله‌دیگن، "په‌چه" دېب اتله‌دیگن ایشتان، و "دېلمې" دېب ناملنگن وسکت، ایشتانباغ و آلدلیکدن عبارت. عیال نینگ عایله‌وي حالتینی کییمده‌گی تورلی خیل تفصیلاتلردن بیلیش ممکن. کییم نینگ اساسي رنگی قیزیل بولسه-ده، باش کییم، ایشتانباغ و آلدلیک قِسملریده آق، قاره، یشیل، سریق و کوک رنگلرنینگ تورلی خیل سایه‌لریدن هم فایده‌لنیله‌دی. قول محنتی و مونچاقلر بیلن بېزه‌تیله‌دی. اینیقسه، قیزیل و آق ادره م ایشلری اعتبارنی تارته‌دی. هر بیر قِسم علیحده تیارلنه‌دی و سونگره مهارت طلب قیله‌دیگن بیرلشتیریش ایشلری عملگه آشیریله‌دی. یاغاچ دستگاهلرده چېکلنگن مقدارده ایشلب چیقریله‌دیگن اوشبو کییم منطقه نینگ مهم توریستیک محصولاتلریدن بیری بولیب، هر بیر کییمنی تیارلش تخمیناً بیر آی دوام اېته‌دی.
