بودروم بالی فستیوالی
برنامه
تورکیه نینگ مهم توریزم مرکزلریدن بیرته سی بولمیش بودروم ده 20 ییلدن بیری بیر بالی فستیوالی اویوشتیریلگن لیگینی بیله سیزمی؟
بو ییل 20 – سی اویوشتیریلگن خلق ارا بودروم بالی فستیوالی تورکیه ده ایلک و یگانه بالی فستیوالی. مدنیت و توریزم وزیرلیگی دولت اوپیرا و بالی باشقرمه سی تامانیدن بودروم بلدیه سی نینگ حصه قوشیشی بیلن اویوشتیریلگن فستیوال هر ییل اگست آییده بودروم نینگ رمزی و بوگونگی کونده سوو آستی باستانشناسلیک موزیمی ایتیب ایش آلینگن بودروم قلعه سیده شمال خندقی صحنه سی اویوشتیریلماقده.
دولت اوپیرا و بالی باشقرمه سی نینگ صنعت ظرفیتی، بایلیگی، ملی و خلق ارا صنعت مقیاسیده ییتیب بارگن موفقیتی بیلن 2003 ییلیدن بیری اوزلیکسیز هر ییل بویوک بیر سیوگی و قاطعلیک بیلن اویوشتیریلماقده. صنعت نینگ اینگ مهملریدن بیر ته سی بولمیش بالی نینگ بونقه بیر تاریخی فضاده بودروم نینگ یاقیملی کینو ایسی بیلن تماشا بین گه تقدیم ایتیلیشی مدحش بیر تجربه. دنیاده جوده کم و تورکیه ده یگانه بولگن فستیوال بودروم نینگ گوزه للیکلریگه تاباره حصه قوشماقده. انچه اولکه دن و فرقلی مدنیتلردن صنعت سیورلر بالی اویینینی کیلیب تماشا قیلماقده.
دولت اوپیرا و بالی باشقرمه سی خلق ارا بودروم بالی فستیوالیدن تشقری تورکیه نینگ ایریم توریزم مرکزلریده هم اویوشتیرگن فستیواللر بیلن صنعتی طرفیتی بای پروگراملری انچه اولکه دن صنعت سیورگه تاریخی گوزه للیکلری بیلن تقدیم ایتیلماقده. بولر استانبول ده، ایفیس انتیک شهرده و انتالیاده گی اسپیندوس قدیم تیاتریده اوتکزیلگن اوپیرا و بالی فستیواللری... خلق ارا مقیاسده اویوشتیریلگن بو مهم فستیواللر دنیا مدنیتی نینگ باشلنغیچ جایی بولمیش اناطولی توپراقلرینی قدرلی قیله دی.
