اون ییل کیین اوی ایشلری نینگ تقریباً قیرق فایزینی ربات لر قیله دی

انگلستانده گی آکسفورد و جاپانده گی اوجانومیزو عالی بیلیم یورتلری تدقیقاتچی لری تامانیدن قیلینگن بیر تدقیقات گه کوره, 10 ییل کیین اوی ایشلری نینگ 39 فایزی ربات لر تامانیدن قیلینه دی.

ایکّی عالی بیلیم یورتیده گی تدقیقاتچیلر, 65 مصنوعی ذکا متخصصی دن 10 ییل کیین اوی ایشلریده ربات لردن قیسی درجه ده فایده له نیله دیگن لیگی توغریسیده فکرلرینی سوره دی.  اوشبو تدقیقات گه انگلستان دن 36 و جاپان دن 29 نفر متخصص اشتراک قیلدی. 

پلاس وان مجله سیده ترقه تیلگن تدقیقاتده متخصصلر, ربات لردن اینگ کوپ تاثیرله نه دیگن ساحه لردن بیری نینگ مارکیت دن سودا آلیش دن عبارت بوله دیگن لیگینی تخمین ایتدی. 

یاش لر و قری کیشی لر گه قره ش ایسه مصنوعی ذکا تکنالوژی سیدن اینگ آز تاثیرله نه دیگن ایشدن عبارت. 

تدقیقاتچیلر, عیال کسبداش لری بیلن سالیشتیریلگنده انگلستانلیک ایرکک متخصص لرنینگ اوی ایشلریده رباتلردن استفاده ایتیش بوییچه ینه ده کوپراق مثبت فکر گه ایگه ایکن لیگی, اوشبو وضعیت نینگ جاپان ده ایسه تیسکری ایکن لیگینی بیلدیردی. 

لیکن متخصصلرنینگ مصنوعی ذکا تکنالوژی سی نینگ اویده قیلیشی ممکن بولگن ایشلر بوییچه فرقلی فکر لر گه ایگه ایکن لیگی کورینماقده. 

آکسفورد عالی بیلیم یورتیده دوکتورا قیلیشی آرتیدن تدقیقاتچی اوله راق ایش بجرگن داکتر لولو شی, "مصنوعی ذکا تکنالوژی سیدن باله لرنینگ تعلیم و تربیه سی و اولر بیلن قیزیقیش کبی ایشلر نینگ فقط گینه 28 فایزیده استفاده ایتیلیشی نینگ ممکن ایکن لیگی اویلنماقده" دییه قید ایتدی. 

باشقه بیر تاماندن ایسه متخصصلر تکنالوژی نینگ مارکیت دن سودا آلیش گه اجره تیلگن وقتنی 60 فایز مقیاسیده کمه یتیره دیگن لیگی نی اویله ماقده. 

ربات لرنینگ انسان لرنی "اون ییل مابینیده" اوی ایشلری دن قوتقره دیگن لیگی بوییچه تخمینلر ینگی بیر نرسه دن عبارت ایمس. 

انگلستانده ایشلش چاغیده گی ایرکک لرنینگ تقریباً یریمی, اوی ایشلرینی ایشلش چاغیده گی عیاللر قدر قیلماقده.  جاپانده ایسه ایرکک لر بیش دن بیر مقیاسیده ینه ده آز اوی ایشلرینی قیلماقده. 

آکسفورد عالی بیلیم یورتیده مصنوعی ذکا و اجتماع ساحه سی بوییچه تدقیقاتلر آلیب باریاتگن و عینی دمده اوشبو تدقیقات نینگ یازووچی لری دن بیری بولگن داکتر ایکاترینا هرتوگ, اوی ایش لری نینگ عیاللرده گی موازنه سیز یوکی نینگ عیال لرنینگ پول تاپیش و تقاعد لری گه منفی تاثیر قالدیریاتگن لیگینی بیلدیرماقده. 

شوباعث تدقیقاتچیلر, کونساین رواجله نیب باریاتگن مصنوعی ذکا تکنالوژی لری نینگ ایرکک لر بیلن عیاللر اورته سیده تینگلیککه سبب بولیشی نینگ ممکن ایکن لیگینی معلوم قیلماقده.