تیره بازاری
بولرنی بیله سی می؟
تیره بازاری
تورکیه نینگ اینگ بوبوک آچیق هوا بازاری نینگ ازمیر ولایتی تیره تومنیده بولگن لیگینی بیلرمیدینگیز؟
ازمیر ولایتی نینگ تیره تومنیده 600 ییلدن بیری قوریلگن تورکیه نینگ اینگ بویوک آچیق هوا بازاری نه فقط تورکیه مقیاسیده عین دمده دنیا مقیاسیده هم مشهوردیر. تیره بازاری بعضی بیر منبعلرگه کوره دنیاده بویوکلیک و تورلی خیللیک جهتیدن قیرغزستان نینگ آرتیدن ایککینچی اورینده توره دی. تیره خلقی اطرافده گی قیشلاق، قصبه و شهرلردن و دنیا مقیاسیدن کیلگنلرنی تیره بازاریده کوتیب آلماقده.
تیره بازاری هر سه شنبه کونی ایرته لب بلدیه لادسپیکری آرقه لی اوقیلگن «بازار دوعاسی» بیلن آچیلماقده و تختینی آچگن اهالی خیر و برکت اوچون دوعا قیلماقده. تیره و اطرافیده گی قیشلاقلردن محلی محصول تولیدچیلری تامانیدن قوریلگن بازارده پنیر، سبزه وات، میوه، قتیق، یاغ، زیتون کبی محصوللر نمایش قیلماقده. فقط آذیق – اوقات موادیدن عبارت بولمه ی عین دمده کییم محصوللری هم موجود دیر.
تومن نینگ مرکزیده جایلشگن و کوچه جاده لرگه ییره ب بارگن بو بازار تیره گه محلی و خلق ارا سیاحلرنی تارتیب آلماقده. تیره بازاری تورکیه نینگ اینگ قدیم و اینگ کتته بازاری بولیشی قاله ویرسه تاریخی و مدنی تامانی هم بار. کیچیک مندرس وادیسی توپراقلریده جایلشگن و گوزه ل طبیعتی بیلن میلاددن آلدین 2 مینگ ییللردن اعتباراً انچه دولت گه میزبانلیک قیلگن بای بیر تاریخی و مدنی میراث گه ایگه بیر شهردیر. تورکیه نینگ 5 ته کتته شهری نینگ آرتیدن اینگ کوپ تاریخی جای تیره تومنیده اورین آلماقده.
