تورک آقیمی پروژه سی

تورک آقیمی پروژه سی

اوتکن کونلرده روسیه دولت باشلیغی پوتین بیلا جمهور باشلیغی رجب طیب ایردوغان نینگ اشتراکی بیلن، تورک اقیمی طبیعی گاز پیپ لاینی نینگ دینگیز آستیدن اوتگن قسمی توگه دی. استانبولده اویوشتیریلگن مراسمده گپیرگن رهبرلر ایککی مملکت اورته سیده گی همجهت لیکنی اورغوله دیلر. تورک آقیمی پروزه سی تورکیه نینگ انرژی مرکزی بولیشی پلانلری بوییچه مهم بیر آدیم اوله راق کوریلماقده. شونده ی قیلیب آذربایجان گازینی تورکیه و آرتیدن اروپاگه تشیشی ریجه لنگن تناپ، عراق نفتینی دنیاگه انتقال بیرگن جیحان لینی قاله ویرسه تورکیه انرژی سیاستلری بوییچه آتگن ادیملر بیلن جایگاهینی کون سایین کوچلی قیلیب اوز انرژی احتیاجینی برطرف قیلماقده.

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایته میز.

میلادی 2014 – ییلی دسامبر آییده روسیه دولت باشلیغی پوتین تامانیدن تکلیف قیلینگن تورک آقیمی پروژه سی روسیه نینگ اناپا شهریدن باشله گن تورک آقیمی 930 کیلومتر بوییچه قاره دینگیزدن اوتیب استانبول نینگ غربیده گی قیرغاققه ییتیب باره دی. جمهور باشلیغی رجب طیب ایردوغان تامانیدن اتی قوییلگن تورک آقیمی پروژه سی توپلم 1100 کیلومتر اوزونلیگیده دیر. تورک آقیمی بیر- بیریگه قوشیلگن ایککی پروژه دن عبارت دیر. بیرینچی لین ییلده 15،75 میلیارد متر مکعب طبیعی گاز ظرفیتی بیلن تورکیه نینگ انرژی کم چیلیگینی برطرف ایتیشی کوتیلماقده دیر. ایککینچی لین ایسه ایلگری مرحله لرده اروپاگه قره ب باریشی ریجه لنماقده. شونده ی قیلیب مجموعه 31،5 میلیارد متر مکعب طبیعی گازنینگ تورک آقیمی ارقه لی انتقال بیریلیشی ریجه لنماقده.

کرملین سوزچیسی دیمیتری پسکوف هم بیر قطار مملکتلرنینگ تورک آقیمی گه قوشیلیشنی ریجه له گن لیکلرینی معلوم قیلیب طبیعی گاز پیپ لاینی نینگ 5 ایریم اروپا اولکه سیگه ییتیب باریشی نینگ ممکن ایکن لیگینی افاده ایتدی. مثال اوچون صربستان انرژی وزیری انتیس هم بیرگن بیاناتیده تورک آقیمی نینگ صربستانگه ییتیب باریشی تقدیرده اروپانینگ انرژی کم چیلیگینی برطرف ایته جگینی بیلدیردی. انتیس 10-15 میلیارد متر مکعب روس گازی نینگ تورکیه آرقه لی صربستان، بلغارستان، هنگری و اتریش گه ییتیب باریش احتمالی انرژی خوفسیزلیگی نینگ تامین ایتیلیشی جهتیدن جوده یخشی فرصت دیر. پروژه گاز تجارتی نینگ و گازگه باغلیغ اقتصادنینگ توسعه بیریلیشی اوچون امکانیت یراتماقده. مذکور مملکتلر تورک آقیمی گه باغله نیب گاز ترانزیتیدن مهم درجه ده فایده قولگه کیریته دی" دیب ایتدی.

باشقه تاماندن تورک آقیم پروژه سی نینگ تورکیه آرقه لی قیسی گذرگاهدن اروپاگه انتقال بیریلیشی انیق ایمس. اینیقسه یونان بیلن بلغاریا اورته سیده بیر رقابت موجود. یونان باش وزیری الکسیس چپراس تورک آقیمی نینگ یونان ارقه لی اوتیشینی خواهله گن لیگینی اورغولب، "تورک آقیمی نینگ یونان ارقه لی اوتیشی اوچون بروکسلده اکتیف فعالیت آلیب بارماقده میز" دیدی.

تورک آقیمی تورکیه نینگ انرژی مرکزی بولیشی توغریسیده آلغه آلیب بارماقده ایکن، باشقه تاماندن روسیه نینگ مستقیم بالقان اولکه لریگه گاز صادر قیلیشی گه فرصت یراته دی. اوتگن دورلرده ایککی مملکت اورته سیده گی مناسبتلر بوییچه انچه ساحه ده توسعه قیلیب باردی. جمهور باشلیغی رجب طیب ایردوغان کوپه ییب بارگن اقتصادی همجهتلیک که دقت قره تیب ایککی مملکت اوله راق 100 میلیارد دالر تجارت حجمی گه ییتیب باریشنی آماجله گن لیکلرینی بیلدیردی. عین دمده روس مطبوعاتی هم پوتین و ایردوغان اورته سیده اوچره شوولرگه دقت قره تیب ایککی مملکت اورته سیده گی مناسبتلرنینگ کوچلی بولیب بارگن لیگینی اورغوله دی.

تورکیه و روسیه اورته سیده گی مناسبت اینیقسه انرژی سیاستی بوییچه کوچلی بویل بارگن بولسه هم اوز ارا مناسبتلرده حلی هم قیینچیلیکلر بار. روسیه نینگ قریمنی الحاق ایتیب الیشی، اوکراینده دوام ایتیب تورگن اوروش، روسیه تامانیدن قریم تاتارلریگه قره ته عملی قیلینگنلر و سوریه ده گی تورلی جایگاهلر اوز ارا مناسبتده ییچیم تاپیلیشی ضرور دیب کوریلماقده. اینیقسه سوریه ده ایککی مملکت قنچه هم آستانه جریانی و سوچی کیلیشووی بوییچه بیرگه لیکده حرکت قیلیب تورگن بولسه لر هم بیر قطار اساسی مسئله لر معما یراتماقده دیر.   

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایتدیک.