مقصد فلوجه نی قوتقریش ایمس، قازانیش دن عبارت بولیشی کیره ک

مقصد فلوجه نی قوتقریش ایمس، قازانیش دن عبارت بولیشی کیره ک

خلق ارا مقیاسده تروریست گروهی بولگن داعش، امریکا قوشمه ایالتلری نینگ باشقرووچیلیگیده گی خلق ارا ائتلاف کوچلری نینگ عراق نینگ اشغال ایتگن لیگی بیلن میدانگه چیققن قرانغو فضانینگ شرطلریده یوزه گه چیقدی.  اشغال و آرتیدن عراق سیاستیده حاکم بولگن عنصرلرنینگ سنی عرب نفوسینی رادیکال لشتیرگن سیاست و اجراعاتلری داعش نینگ ریشه قیلیب، توسعه قیلیشی گه باعث بولدی. سوریه ده یوز بیرگن بحران هم داعش نینگ عراق چیگره سیدن تشقریگه جغرافی اوله راق  یه یره ییشی گه باعث بولدی.

میلادی 2014 نچی ییل نینگ ایلک آی لریده غربی عراق شهرلریده و عراق نینگ اینگ مهم شهری اوله راق اتلگن موصل حاکمیتینی ایجاد ایتگن لیگی داعش اهمیت گه سزاوار ایدی. تروریست گروهی اوزینی دولت اعلان قیلیب، سامرا و تیرکیت شهرلریگه هم یه یره ییب کیتدی.

شمالی عراق ده کورد خود مختار اداره سینی و کرکوک شهرینی تهدید ایتیب باشله دی. بغدادنینگ داعش گه مانع بولیش توغریسیده گی کم چیلیگی امریکا اداره سی نینگ حرکت قیلیشی گه باعث بولدی. امریکا قوشمه ایالتلری نینگ باشقرووچیلیگیده ایجاد ایتیلگن خلق ارا ائتلاف کوچی 2014 نچی ییل نینگ یاز آیلریده گروه گه قره ته عملیات گه باشله دی و 2016 نچی ییلن جنوری آییده داعش عراقده گی کنترولیده بولگن منطقه لرنینگ 40 فایزینی ترک ایتیب چیقدی. بغدادده پی در پی عملگه آشیریلگن و مسؤلیتینی بو گروه اوز بوینیگه آلگن هجوم حادثه لری یوز بیریشی بیلن تروریست گروهی داعش گه قره ته فلوجه ده عملیاتلر اویوشتیریلدی.

عراق باش وزیری حیدر العبادی نینگ 23 نچی می تاریخیده گی بیاناتی نینگ آرتیدن فلوجه عملیاتلری باشله گن بولدی. عراق اردو بیرلیکلری قاله ویرسه شیعه گروهی کوچ

لری ویا اهالی حرکت کوچلری، عراق پولیسی و سنی قبیله لردن عبارت افتخاری بیرلیکلر عملیاتلرگه قتنشگن ایدیلر. 18 نچی جونده العبادی فلوجه نینگ مرکزیگه کیرگن لیکلرینی و شهرنینگ قوتقریلگن لیگینی اعلان ایتدی. بیراق بوکون شهرنینگ شمال منطقه لریده توقنه شوو حادثه لری دوام ایتماقده دیر. سونگی پیتلر گچه آزگینه اهالی نینگ شهردن چیققن لیگی عملیتنی قیین قیلگن ایدی. عین دمده قاریلگن خندق، کومیلگن پارتلاو ماده لری و خلق نی سپر قیلگن لیکلری هم عملیتنی قیین قیلگن ایدی.

بیر نیچه هفته آلدین گچه شهرنی ترک ایتگنلرنینگ سانی نیچه مینگ کیشی دن عبارت ایدی. بیراق داعش نینگ کوچی نینگ ضعیف بولیشی گه بناً توقنه شوونینگ دوام ایتیشی فلوجه و اطرافیده گی منطقه لردن اهالی نینگ ترک ایتیب چیقیشی گه باعث بولگن. بیرلشگن ملتلر تشکیلاتی نینگ انسانی ایشلر اداره سی نینگ راپوریگه کوره 18 نچی جون تاریخیده 83 مینگ کیشی گه ییتیب بارگن.

داعش فلوجه دن تمیزلنگن دن کیین بغداد اوچون اساسی مسأله نی 2003 نچی ییل دن بیری یوز بیریب تورگن حادثه لر باعث ضرر کورگن منطقه اهالیسی بیلن تأمین ایتیله دیگن مناسبت تشکیل ایته دی.

شیعه گروهی ایچیده گی افراطی عنصرلرنینگ شهرنی ترک ایتگن ملکی اهالی گه قره ته رویه سی اوتگن هفته لر جریانیده مطرح بولگن ایدی. انبار والی سی نینگ بیاناتیگه کوره بیر نیچه هفته آلدین 50 کیشی ملکی اهالی اولدیریلگن و 650 نفر ایسه لادرک بولگن. عراق اردوسی بو توغریده تحقیق آلیب بارماقده. لیکن حکومت و اردونینگ افراطی گروه اوستیگه کوپ تأثیر قالدیرمس لیگی بیلینماقده. فلوجه اهالی سی اوتمیش ده هم بوکبی حادثه لرگه دوچ کیلگن و شهرنینگ امریکا تامان اشغال ایتیلیشی نینگ ایلک ییللریده شهر مهم درجه ده مقاومت مرکزی بولیب قالگن ایدی. عین دمده داعش نینگ رهبری اوله راق اتلگن القاعده نینگ عراق ده گی مکتبی هم بو شهرده مناسب فضا یره تگن ایدی. القاعده نینگ ظلمی گه دوچ کیلگن منطقه اهالیسی، مذکور گروه گه قره ته مجادله گه همکارلیک قیلیب، اونی شکست بیریش گه حصه قوشگن دیر. بیراق مرکزی حکومت نینگ منطقه اهالیسی گه تبعیض بیلن سیاست آلیب بارگن لیگی 2014 نچی ییل داعش نینگ منطقه ده نفوس قولگه کیلتیریشی گه باعث بولگن دیر. فلوجه اهالیسی داعش دن قوتقریلماقچی بیراق شیعه گروهی بیلن مخاطب بولماقچی ایمس. خودی شو اوچون انبار ولایتی اداره چیلری بغداددن گروه لرنینگ فلوجه اهالیسی بیلن مخاطب قیلمس لیکلرینی سوره دیلر. عین دمده شهر داعش نینگ قولیدن قوتقریلگندن کیین شیعه گروهی نینگ شهرگه کیریشی گه اجازه بیرلمس لیگینی سوره ماقده دیرلر. داعش دن قوتقریلگن تیکریت کبی شهرلردن توقنه شوو جریانیده کیتگن سنی نفوس نینگ قیتیب کیلیشی گه حاضرگچه اجازه بیریلمه گن لیگی قیغو یره تماقده دیر. بو حرکت خلق نینگ اتنیک معیاریگه دخالت قیغوسینی یره تماقده.

فلوجه اهالیسی نینگ  نقطه نظریدن مرکزی حکومت نینگ شهرنی داعش نینگ قولیدن قوتقرگن لیگی اساساً نجات بیریلگن معناسیگه کیلمه یدی. خودی شو اوچون بغدادنینگ یگانه آماجی فلوجه نی نجات بیریش ایمس اساسی آماجی او جاینی قازانیش بولیشی کیره ک. بو بیر نیچه جهتدن بغداد اوچون استراتیژیک اورین گه ایگه دیر. بغداددن یالغیزگینه 70 کیلومترلیک مصافه ده ایکن لیگی، شهرنفوسی نینگ حکومت گه بیگانه لشتیریلگن سنی نفوس دن عبارت ایکن لیگی حکومت گه مخالف عنصرلرنینگ او منطقه ده اوزلریگه جای تاپیشلریگه باعث بوله دی. شو نقطه نظردن بغدادنینگ خوفسیزلیگی، فلوجه نینگ حقیقی صلح گه ییتیب باریشی گه باغلیغ دیر. فلوجه نینگ نجات بیریلیشی بیلن فلوجه اهالیسی نینگ اوزینی امنیت گه احساس قیلیشی اوچون خوفسیزلیک مسؤلیتی نینگ محلی اداره لرنینگ کنترولیگه بولیشیدن باشقه چاره یوق دیر. ایککینچی اوله راق قیته دن قوریش پروژه لریگه قول قوییش کیره ک. بو چوکاتده ایش سیزلیک حادثه سینی برطرف ایته دیگن پروژه لرنی قول اوستیگه آلیش کیره ک.  نهایتً زورانلیک گروه لری نینگ آیدولوژیسیگه قره ته مجادله ایتیش اوچون محلی سنی دین عالم لری بیلن مشترکاً ایش آلیب باریش کیره ک. داعش و ایریم گروه لرنینگ دین دن استفاده قیلیش لریگه قرشی اهالی نینگ حرمت قیلگن و اوز ایچیدن چیققن ملالرنینگ مثبت معناده تأثیر قالدیررلیگی گه اهمیت بیریش کیره ک.

خلاصه عراق مرکزی حکومتی نینگ موفقیتی فلوجه نی قوتقریش ایمس، 2003 نچی یی دن بیری موفقیت قولگه کیریتالمه گن ایشینی عملی قیلیشی کیره ک. یعنی بغداد فلوجه اهالیسی نینگ یوراکینی قولگه کیلتیریشی کیره ک.