ترکیه ده غلبه بیرمی

آگست آیی نینگ ۳۰ نچی کونی, ترکیه ده نجات اوروشی بوییچه غلبه کسب ایتیلیشی نینگ عنعنوی بیر شکلده ترک ملتی تمانیدن کتته قیزیقیش بیلن کوتیب آلینیتگن بیر بیرمدن عبارت. نجات اوروشی میلادی ۱۹۱۹ نچی ییلی می آیی نینگ ۱۵ نچی کونیده ترکیه نینگ حاضرگی ایزمیر ولایتی نینگ یونان تمانیدن اشغال ایتیلیشی آرتیدن باشلب کیترایکن, میلادی ۱۹۲۲ نچی ییلی سپتامبر آیی نینگ ۹ نچی کونیده ترکلرنینگ یونان لیق لر نی ایزمیردن هَیده ب یوباریشی بیلن اداغگه ییتدی. میلادی ۱۹۲۲ نچی ییلی آگست آیی نینگ ۳۰ نچی کونی ایسه اوته مهم بیر کوندن عبارت. شونده ی قیلیب یونان لیق لر ترکیه توپراقلریدن هیده ب یوباریلرایکن, عموماَ آلیب قره گنده انگلستان, فرانسه و ایتالیا امپریالیزمی نینگ پلانلری بوزیلگن بولدی. باشقه چه قلیب ایتگنده, آگست آیی نینگ ۳۰ نچی کونیده اوشبو غلبه, بیرینچی دنیا اوروشی آرتیدن قوریلگن ترکیه جمهوریتی نینگ تهدابی نی تشکیل ایتدی. خودی منه شو اوروش نینگ اوزی, ترکلر, کردلر, عرب لر و باشقه ملیت لر دن تشکیل تاپگن عثمانلی- انادولو مسلمانلری نینگ سونگگی اوروشی دن عبارت ایدی. براق, اوشبو اوروش نینگ اداغگه ییتیشیشی گه سبب بولگن نرسه فقط گینه آگست آیی نینگ ۳۰ نچی کونیده گی غلبه ایمس, عینی دمده مذاکره لری ۹ آی دوام ایتگن (میلادی ۱۹۲۲ نچی ییلی اکتوبر آیی بیلن میلادی ۱۹۲۳ نچی ییلی جولای آیی آره سیده) لوزان معاهده سیدن هم عبارت. لوزان معاهده سی, کیین چه لیک میلادی ۱۹۲۳ نچی ییلی اکتوبر آیی نینگ ۲۹ نچی کونیده اعلان ایتیلگن ترکیه جمهوریتی نینگ خلق ارا حقوقی اساسی نی تشکیل ایتدی. مصطفی کمال اتاترک باشچی لیگیده گی نجات اوروشی و تینچ لیک کیلیشوی, کونساین رواجله نیتگن بیر شکلده دوام ایتیتگن ترکیه جمهوریتی نینگ تهدابی نی تشکیل ایتگن بولدی.
یوقاریده بحث ایتیلگن نرسه لر, ترکیه جمهوریتی نینگ میلادی ۱۹۱۹ نچی و ۱۹۲۳ نچی ییللریده گی نجات اوروشی و کیین چه لیک یوز بیرگن ینگی لیک لر نتیجه سیده قوریلگن لیگی نی کورستماقده. عموماً آلیب قره گنده اهمیت بیریلمه گن اوشبو موضوع نی اوچ عنوان آستیده مطالعه ایتیش ممکن. نجات اوروشی نینگ موفقیتی و همده ترکیه نینگ قوریلیشی گه سبب بولگن اوشبو اوچ عنوان, حربی کوره ش, دیپلماتیک ستراتیژی و سیاسی فعالیتلر و هدف دن عبارت. ایریم ترک تاریخچیلر و سیاستچیلر اوشبو موضوع نینگ فقط گینه حربی موفقیتی توغری سیده بحث ایترایکن, مصطفی کمال نینگ اساسی ستراتیژی سی بونینگ قدر مهم دیپلماتیک و سیاسی اساسلر گه تینماقده. نجات اوروشی جریانیده اساساً ترک ملتی یونان لیقلر و قسماً هم فرانسه لیک لر گه قره شی حربی کوره ش آلیب باررایکن, سیاسی کوره ش ایسه اوشه دور نینگ دنیا کوچلری گه قرشی آلیب باریلدی. ترک اردوسی, اساساً اورته و غربی انادولو و تراکیا ده یونان لیق لر گه قرشی اورشرایکن, قسماً هم جنوبی انادولوده فرانسه لیک لر گه قرشی اوروشدی. ملی کوره ش نینگ حربی جهت دن مغلوبیت گه اوچره تیلیشی نینگ ممکن ایمس لیگی نی کورستگن لیگی سببلی, خودی منه شو حربی کوره ش نینگ اوزی هم البته که کتته اهمیت گه ایگه. براق, حربی جهت دن موفقیت قول گه کریتیلیشی اوچون زمینه یره تگن دیپلماتیک و سیاسی بُعدلرنینگ هم هیچ بیر شکلده ایسدن چیقاریلمسلیگی کیره ک. مصطفی کمال نینگ اساسی موفقیتی حربی جهت دن غلبه قازانیش اوچون قیلگن سیاسی و دیپلماتیک فعالیت لریدن عبارت. مصطفی کمال, بیرینچی دن یونان لیق لر نی حمایه لیتگن انگلستان و فرانسه نی تاثیر سیز وضعیت گه کیتیردی. اوشبو مقصد بیلن, اوروش نینگ اداغگه ییتیشتیریلیشی اوچون انگلستان و فرانسه بیلن یخشی دیپلماتیک علاقه لر قوررایکن, باشقه بیر تماندن ایسه خودی منه شو ایککی دولت گه قرشی سویت اتفاقی بیلن همکارلیک ایتدی. میلادی ۱۹۲۰ نچی و ۱۹۲۱ نچی ییللریده سویت اتفاقی بیلن امضالنگن معاهده, انگلستان و فرانسه گه قرشی کوچ موازنه سی نی اوزگرتیب یوباردی. اوشبو پروسه ده انگلستان و فرانسه مستعمره لری و اینیقسه هند مسلمان لری بیلن قوریلگن علاقه لر نی هم ایسدن چیقارمسلیک کیره ک البته که. اوشبو مناسبتلر انگلیس لر و فرانسه لیک لر نینگ تینچی نی بوزیب قویرایکن, شونده ی قیلیب یونان لیق لرنی حمایه ایتیش فعالیت لری نینگ توختب قالیشی بوییچه کتته رول اوینه دی.
ترک نجات اوروشی نینگ حربی و دیپلوماتیک تکتیک لری گه جهت بیرگن موضوع ایسه اوروش نینگ سیاسی تمانیدن عبارت. اوشبو سیاست, ینگی قوریله دیگن دولت نینگ قیتیب عثمانلی امپراطورلیگی دن عبارت بولمیدیگن لیگی و غربی له شیش و مدرن له شیش پروسه سی گه اویغون اوله راق حرکت ایته دیگن لیگی تشکیل ایتماقده ایدی. ترکیه جمهوریتی نینگ قوریلیشی بوییچه غرب گه قره مسدن غربی له شیش آیدیولوژی سی کتته اهمیت گه ایگه ایدی. شوباعث, انگلستان و فرانسه نینگ یونان لیق لرنینگ کتته یونان فکری نی حمایه ایتیش لری فقط گینه بیر خیالدن عبارت ایدی خلاص.
ترکلرنینگ غرب گه قره مسدن غربی له شیش گه اهمیت بیرگن لیک لری نینگ چقور تاریخی اساسلری موجود. اوشبو ترجیح عثمانلی دولتی نینگ ۱۸ نچی عصر گه قدر بارگن سیاسی و تشقی سیاست کوره شی گه قدر باریب تینماقده. عثمانلی دولتی کونساین کوچی آرتیب باریتگن غرب گه قرشی چیدیه آلیش اوچون میلادی ۱۸۳۹ نچی و ۱۸۷۸ نچی ییللریده تنظیمات, میلادی ۱۸۷۸ نچی و ۱۹۰۸ نچی ییللریده پان- اسلامیزم و میلادی ۱۹۰۹ نچی و ۱۹۱۹ نچی ییللریده ایسه ژون ترک سیاست لری نی تعقیب ایترایکن, براق اوشبو اوچ سیاست نینگ هیچ قیسی سی آرزو ایتیلگن نتیجه نی بیرمه دی. بیرینچی دنیا اوروشیده عثمانلی نینگ مغلوبیت گه اوچره شی آرتیدن مصطفی کمال باشچی لیگی ده تورتینچی سیاست تعقیب ایتیلدی. اوشبو سیاست ملی دولت نینگ قوریلیشی سیاستیدن عبارت ایدی. ملی دولت ایسه, اساساً مدرنیزم سببلی مطرح بولگن بیر نظام دن عبارت بولیب, ۲۰ نچی عصرده هر تمانده مطرح بولگن بیر سیستمدن عبارت بولدی. اوشبو سیاسی مفکوره بیلن قوریلگن لیگی سببلی ترکیه جمهوریتی نینگ غربی اولکه لر تمانیدن تن آلینیشی آسان بولگن.
نتیجه ده آگست آیی نینگ ۳۰ نچی کونی غلبه سی نینگ فقط گینه حربی ایمس, بلکه دیپلماتیک و سیاسی بعُدلری جهتی دن هم مطالعه ایتیلیشی کیره ک. باشقه چه قیلیب ایتگنده ترکیه جمهوریتی نینگ برچه ایچکی و تشقی سیاستلری اوشبو دیپلماسی و سیاست دایره سیده دیزاین ایتیلرایکن, خودی منه شو سیاست نینگ هم اساسی نی "یورتده تینچ لیک دنیاده تینچ لیک" شعاری تشکیل ایتماقده. اوشبو جهت دن آلیب قره گنده آگست آیی نینگ ۳۰ نچی کونی مراسم لریده کورسه تیلیتگن کوچ دشمن لر اوچون قورقیش دن عبارت ایکن, دوست لر اوچون ایسه بیر گرنتی دن عبارت. ترکیه فقط گینه خلق ارا مقیاسده تینچ لیک نینگ تامین ایتیلیشی اوچون حربی کوچ دن فایده له نیلیشی کیره ک ایکن لیگی نی معلوم قیلماقده ایدی. ترکیه نینگ حاضرگی کونده گی سیاستی هم خودی منه شونده ی.