انقرہ غازی شہر کے عنوان کا حقدار ہے، صدر ایردوان

صدر رجب طیب ایردوان  کا کہنا ہے کہ  انقرہ کے  باسیوں کی جانب سے   دہشت گرد تنظیم فیتو  کی خونی بغاوت  کی کوشش  کے خلاف  بہادری  کے مظاہرے کی بدولت  یہ شہر   غازی کی خصوصیت کا  حق  حاصل کر چکا ہے۔

صدر ترکی نے     آق پارٹی کی انقرہ ضلعی    کمیٹی   کے ہمراہ  افطاری    کی۔

15 جولائی کی بغاوت کی کوشش کے  خلاف انقرہ    کے  شہریوں  کی    بے باک  بہادری کی  تعریف کرنے والے    جناب  ایردوان نے کہا کہ" صدارتی  محل    اور دیگر   حکومتی عمارتوں پر بمباری کی گئی،  اس شب  سینکڑوں   لوگ  شہید ہوئے، اس  شب   ٹینکوں کے سامنے لیٹنے والی اور بمباری  کی  پرواہ کیے   بغیر   ملک و وطن کی  حفاظت کرنے والی   اس قوم   پر مجھے  فخر ہے۔ اس تاریک رات  میں  ایک جانب   دین  و ایمان      پختہ ہونے والے عوام تھے  تو دوسری  جانب اپنے دین  و ایمان      کو کھو دینے والے   خونخوار  درندے  تھے۔"

انہوں نے واضح کیا کہ    بغاوت کی شب انقرہ میں   90 شہری،  56 پولیس اہلکار اور تین فوجیوں سمیت  149  افراد  شہید ہوئے تھے  تو غازی کے  مرتبے   کو پہنچنے والے   انقرہ کے مکینوں کی تعداد ایک ہزار 222 تھی۔

دارالحکومت انقرہ میں  نئے منصوبوں  کا بھی ذکر کرنے والے  صدر   کا کہنا تھا کہ ہم  شہر انقرہ  کو اربن  ٹرانس فارمیشن  کی بدولت  ایک ٹریڈ مارک    شہر کی حیثیت دلائیں  گے۔