اسپیکر نعمان قرتولموش قازقستان کے دورے پر
ترکیہ کی قومی اسمبلی کے اسپیکر نعمان قرتولموش نے کہا کہ ہم ایک ایسے دور میں داخل ہو گئے ہیں جس میں ترک دنیا کے درمیان ہر شعبے میں تعاون ماضی سے کہیں زیادہ اہم ہے
ترکیہ کی قومی اسمبلی کے اسپیکر نعمان قرتولموش نے کہا کہ ہم ایک ایسے دور میں داخل ہو گئے ہیں جس میں ترک دنیا کے درمیان ہر شعبے میں تعاون ماضی سے کہیں زیادہ اہم ہے۔
انہوں نے کہا کہ ہمیں ایک دوسرے کے ساتھ کندھے سے کندھا ملا کر چلنا ہے اور مشترکہ مقاصد کی طرف چلنا ہے۔
ترکیہ کی قومی اسمبلی کے اسپیکر نعمان قرتولموش نے ان خیالات کا اظہار قازقستان کے دارالحکومت آستانہ میں قازقستان اسمبلی کے سپیکر یرلان کوشانوف سے ملاقات کے دوران کیا۔
ملاقات میں معیشت، تجارت، تعلیم اور ثقافت کے شعبوں میں تعاون کے امور پر تبادلہ خیال کیا گیا۔
اسپیکر نعمان قرتولموش نے کہا کہ وہ زبان، ثقافت اور مشترکہ تاریخی ورثے پر مل کر کام کرنا چاہتے ہیں جو مستقبل میں ترک دنیا کو ایک دوسرے کے قریب لائے گا۔
انہوں نے کہا کہ اس وجہ سے، ہم جانتے ہیں کہ یونس ایمرے انسٹی ٹیوٹ (YEE) بہت موثر ہے۔ YEE کا قازقستان میں ہونا دونوں ممالک کو بہت تیزی سے قریب لائے گا۔
قرتولموش نے اس بات پر زور دیا کہ آنے والے دور میں، دنیا ایک قطبی دنیا سے کثیر قطبی دنیا کی طرف بڑھ رہی ہے اور اس کے درد کا سامنا کرنا پڑ رہا ہے۔
انہوں نے کہا کہ یہاں، خاص طور پر مشرق اور مغرب کے درمیان؛ تقریباً 300 ملین کی آبادی کے ساتھ ایک بہت وسیع جغرافیہ پر پھیلی ہوئی ترک دنیا، ایک ایسی جگہ جہاں ایک طرف چین ہے، دوسری طرف روس، یورپ، قفقاز اور دیگر ایشیائی ممالک اتحاد میں ہیں ، یہ دونوں کثیرالجہتی عالمی نظام کی ترقی اور مضبوطی میں معاون ثابت ہوں گے اور عالمی امن کے لیے ایک بہترین معاون ثابت ہوں گے۔
متعللقہ خبریں
ترکیہ: ایردوان۔لازارینی ملاقات
صدر رجب طیب ایردوان کی 'انروا' کے ہائی کمشنر فلپ لازارینی کے ساتھ ملاقات