مکہ مکرمہ پر میزائل داغنے کی کوشش پر ترکی کی شدید مذمت
سعودی قیادت کی اتحادی قوتوں کے ہیڈ کوارٹر نے کل اعلان کیا تھا کہ یمن کے شہر صدا سے مکہ کی جانب داغے گئے میزائل کو شہر سے 65 کلو میٹر کے فاصلے پر ہی تباہ کر دیا گیا ہے
599344
ترکی نے حوثی عسکریت پسندوں کی جانب سے مکہ پر بالسٹک میزائل داغنے کی شدید مذمت کی ہے۔
دفتر خارجہ کی جانب سے جاری کردہ اعلامیہ میں کہا گیا ہے کہ مسلمانوں کے مقدس ترین مقامات میں سے ایک مکہ مکرمہ کو حوثیوں کی جانب سے نشانہ بنائے جانے کی ہم سختی سے مذمت کرتے ہیں۔ اور سعودی سیکورٹی قوتوں کی جانب سے اس حملے کا سد باب کرنے میں کامیاب رہنے پر خوشی کا اظہار کرتے ہیں۔
سعودی قیادت کی اتحادی قوتوں کے ہیڈ کوارٹر نے کل اعلان کیا تھا کہ یمن کے شہر صدا سے مکہ کی جانب داغے گئے میزائل کو شہر سے 65 کلو میٹر کے فاصلے پر ہی تباہ کر دیا گیا ہے۔
یاد رہے کہ ستمبر 2014 سے حوثیوں باغیوں نے دارالحکومت صناء کا کنٹرول اپنے ہاتھ میں لے رکھا ہے اور یہ گاہے بگاہے سعودی عرب پر میزائل پھینکتے رہتے ہیں۔