فتح اللہ گؤلن کی واپسی کے لئے دستخطوں کی مہم شرکت کی تعداد 78 ہزار تک جا پہنچی

فتح اللہ دہشت گرد تنظیم کا لیڈر فتح اللہ گؤلن کی ترکی کو واپسی کے لئے وائٹ ہاوس  کے انٹر نیٹ صفحے پر دستخط کی مہم شروع کی گئی ہے جس میں شرکت کی تعداد 78 ہزار تک جا پہنچی ہے۔

وائٹ ہاوس انٹر نیٹ پیج سے  FETO کے لیڈرگؤلن کی ترکی کو واپسی کے لئے شروع کی گئی اس پٹیشن مہم  کا ہدف ایک لاکھ دستخط جمع کرنا ہے اور اس ہدف کو پورا کرنے کے لئے ابھی مزید 22 ہزار دستخطوں کی ضرورت ہے۔

مہم کا آغاز 17جولائی کو ہوا ، متن کے عنوان میں "میرا مطالبہ ہے کہ ہماری حکومت گؤلن کے لئے محفوظ بندرگاہ کا فریضہ ادا کرنا بند کرے  اور اسے ترکی کے حوالے کرے "کی عبارت رقم ہے جبکہ متن میں مندرجہ ذیل عبارت کو جگہ دی گئی ہے۔

"15 جولائی کو ترکی کی منتخب اور جمہوری  حکومت کا تختہ الٹنے کے لئے حملے کا اقدام کیا گیا۔ یہ بات کھل کر سامنے آ گئی ہے کہ اس اقدام میں ملوث افراد فتح اللہ      گؤلن اور اس کی FETO دہشت گرد تنظیم کے ساتھ منسلک تھے۔ ترکی مشرق وسطٰی میں ہمارا سب سے زیادہ قابل بھروسہ اور پرانا ساجھے دار رہا ہے اور گؤلن کے دہشت گرد ہونے کی ہمارے ترک اتحادیوں کی طرف سے تصدیق کی گئی ہے۔ ترکی میں حکومت پر قبضے کے اقدام کو ہمارے دوست ترک عوام کی جرات مندانہ مداخلت کے ذریعے رفع کیا گیا ہے۔ امریکہ کے،   جمہوری طور پر منتخب حکام اور حکومتوں کے ساتھ کام کرنے کے لئے ہمارے وزیر اعظم اور حکومت کو قائل کرنے میں میری مدد کریں۔ میرا مطالبہ ہے کہ ہماری حکومت فتح اللہ گلین کے لئے محفوظ بندرگاہ کی خدمات سرانجام دینا بند کرے اور اسے ترکی کے حوالے کیا جائے"۔

عرضی کو وائٹ ہاوس  کے انٹر نیٹ پیج  کے "پٹیشن" کے حصے سے "petition.whitehouse.gov  " سے حاصل کیا جاسکتا ہے۔