ٹرکش ائیر لائنز: ٹکٹ کی تبدیلی یا منسوخی میں آسانی فراہم کی جائے گی

ٹرکش ائیر لائنزTHY  نے استنبول اتاترک ائیر پورٹ پر ہونے والے دہشت گردی کے حملے کی وجہ سے ٹکٹ کی تبدیلی  یا منسوخی میں آسانی فراہم کرنے کا اعلان کیا ہے۔

THY نے کہا ہے کہ 28 جون  سے 5 جولائی کے درمیان اتاترک ائیر پورٹ پر آمد اور روانگی  والی تمام پروازوں کے رجسٹرڈ مسافروں  کے لئے 31 جولائی 2016 تک  بکنگ اور گزرگاہ کی تمام  تبدیلیوں کو بلامعاوضہ کیا جائے گا۔

علاوہ ازیں ابھی ستعمال نہ کی گئی ٹکٹوں کو بلامعاوضہ واپس کیا جا سکے گا۔

ٹکٹ  کے دورانیے کو بڑھانے کے خواہش مند مسافر کسی قسم کی اجرت یا جرمانہ ادا کئے بغیر  ٹکٹ کے استعمال کی مدت کو 31 جولائی تک بڑھا سکیں گے۔

مسافر سفر سے پہلے اپنی پروازوں کے بارے میں آخری حتمی معلومات  THY کی انٹر نیٹ سائٹ یا کال سینٹر سے حاصل کر سکیں گے۔