Probiyotiklar nima?

Probiyotiklar nima?

Probiotiklar - bu jonli mikroorganizmlar bo'lib, ular organizmga yetarli miqdorda yuborilganda katta foyda keltiradi. Boshqa ta'rifga ko'ra, bular terapevtik maqsadlarda ishlatiladigan mikroorganizmlar, shuningdek, tirik mikrokulturalarni o'z ichiga olgan oziq-ovqat mahsulotlari va biologik aktiv moddalardir.

Probiyotiklar organizmda tabiiy ravishda paydo bo'ladigan foydali va jonli bakteriyalardan hosil bo’ladi. tanamizda doimo yaxshi va yomon bakteriyalar mavjud. Infektsiya sodir bo'lganda, tizim muvozanatini buzadigan yomon bakteriyalar tanada ko'proq topila boshlaydi va bu vaqtda yaxshi bakteriyalar yomonlarni yo'q qiladi va muvozanatni saqlashni ta'minlaydi. Probiyotik qo'shimchalar tanaga yaxshi bakteriyalarni qo'shishning qulay usuli hisoblanadi

Probiyotiklar tirik mikroorganizmlar bo'lib, ularni to'g'ri miqdorda iste'mol qilsak, sog'lig'imizga ijobiy hissa qo'shadi. Probiyotiklarning asosiy foydasi shundaki, ular ichak florasini tartibga solish orqali sog'lom hayot kechirishimizga yordam beradi.

Kaloriyalarni yo’q qilishni tartibga soluvchi probiyotiklar ayni vaqtda vazn yo’qotishga ham yordam beradi.

Probiyotiklar nima uchun foydali?

Probiyotiklarning asosiy vazifasi "yaxshi" va "yomon" bakteriyalarni muvozanatlashdan iborat bo'lib, organizmni meyoriy darajaga olib keladi. Probiyotiklar ichakning himoya to'sig'ini mustahkamlaydi, immun funktsiyasini, shuningdek ovqat hazm qilish tizimini qo'llab-quvvatlaydi va yallig'lanishni nazorat ostida ushlab turish orqali tana salomatligini himoya qiladi.

• Probiyotiklar organizmga kiradigan oziq moddalarning hazm bo'lishini ta'minlaydi.
• Yomon bakteriyalarning ko'payishini oldini olish orqali kasalliklarni oldini oladi.
• Vitaminlarning organizmda so’rilishida samaralidir.
• oziq-ovqat orqali tanaga tushgan zararli bakteriyalarning qonga qo'shilishiga yo'l qo'ymaydi.
• Dori vositalarining parchalanishi va so'rilishini ta'minlaydi.
• Immunitet tizimini rag'batlantiradi va diareyani oldini oladi.

Tabiiy probiyotiklar

• Bo’za, 
• Tarhana, 
• Xamirturushli non,
• Kefir

Kefir ovqat hazm qilish muammolarini tartibga solib, infektsiyalardan himoya qiladi.

• Tuzlangan karam

Tuzlangan karam tarkibida probiyotiklardan tashqari tolalar va C va K vitaminlari mavjud..

• Uy sharoitida tayyorlangan qatiq

Yogurt probiyotiklarning eng yaxshi manbai bo'lib xizmat qiladi. Immunitet tizimini mustahkamlash va kasalliklardan himoya qilish uchun siz har kuni bir piyola tabiiy uy qatiqini iste'mol qilishingiz mumkin, natijada tabiiy probiyotikdan foydalangan bo’lasiz va organizmni kasalliklarga chalinish xavfini kamaytirasiz. Bundan tashqari, qatiq antibiotiklardan kelib chiqqan diareyani kamaytiradi.

• Pishloq

Pishloq tanaga kiritilganda vitamin va minerallarning so'rilishini oshirib, foydali bakteriya vazifasini bajaradi. Ovqat hazm qilishda muhim rol o'ynab, oshqozon og’rishini oldini oladi..

• Tabiiy olma sirkasi

Olma sirkasi fermentlangan mahsulot bo'lib, ichak uchun foydali probiyotiklar qatoriga kiradi. Shu sababli, u ovqat hazm qilish tizimini tartibga solishga yordam beradi..

Probiyotiklarning foydalari

1. Ich ketish, qabziyat, gaz va shishishga qarshi samaralisidir

Probiyotiklardan foydalanish oshqozon va ovqat hazm qilish tizimi bilan bog'liq muammolarni bartaraf etishga yordam beradi. Ichakda yashovchi yaxshi va yomon bakteriyalar o'rtasidagi muvozanatni o'rnatish va foydali bakteriyalar sonini ko'paytirish orqali ovqat hazm qilish fermentlarini faollashtiradi; Bu diareya, ich qotishi, gaz kabi muammolarni oldini oladi. Ichakdagi muvozanatni o'rnatish uchun probiyotiklarga boy dietaga amal qilishdir.

1. Probiyotiklar ozishga yordam beradi

Yog'li ovqatlar, shakar, shakarli mahsulotlar va qayta ishlangan uglevodlarni iste'mol qilish ichak florasini buzadi. Ilmiy tadqiqotlar shuni ko’rsatadiki, ichakdagi yaxshi va yomon bakteriyalar energiya muvozanatini saqlashda rol o'ynashi isbotlangan. Yaxshi bakteriyalar oziq-ovqat yog'larining so'rilishini to'xtatib, uning najas bilan chiqarilishini tezlashtirishi mumkinligi aytiladi. 

1. Yo'g'on ichak saratoni ehtimolini kamaytiradi

Olib borilgan tadqiqotlar qayta ishlangan uglevodlarni haddan tashqari iste'mol qilish, qizil go'shtni meyordan ortiqcha iste'mol qilish va tolaga boy mahsulotlarni iste'mol qilmaslik ichak saratonining ozuqaviy sabablari bo'lishi mumkinligini ko'rsatadi. Boshqa tomondan, u ichak bakterial muhitini tartibga solishga yordam beradi, shuningdek, saratonga olib keladigan jarayonlarni to'xtatib, organizmni saratonga qarshi himoya qilish ta'siriga ega.

1. Allergiyani kamaytiradi

Probiyotiklar allergiya va ekzema bilan og'rigan odamlar uchun foydali bo'lib, bu holatning og'irligini kamaytiradi. U allergik reaktsiyalarga ta'sir qiladi.

Prebiyotiklarni kundalik hayotingizdan aslo kanda qilmang!

Probiyotiklardan tashqari, dietangizga hazm bo'lmaydigan uglevodlar bo'lgan prebiyotiklarni ham ilova qiling. Chunki prebiyotiklar bakteriyalar uchun oziq moddalar bo'lib, yaxshi bakteriyalarni ko'paytirishga imkon beradi.

Prebiyotiklar; 

• Ildizli sabzavotlar (masalan, karahindiba, piyoz, sarimsoq, pirasa, kartoshka, yam va artishok),
• U don mahsulotlari tarkibida ham uchraydi (jo'xori, javdar, bug'doy kabi). 

Probiyotiklarni ushbu mahsulotlar bilan birga iste'mol qilsak, ularning sog'lig'imizga ta'siri yana ham kuchayadi.

Dr. Mehmet Uchar tomonidan tayyorlandi.