Bitlarni uy sharoitida qanday tozalash mumkin?

Bit va sirkalarning tarqalishi nafaqat zararlangan kishiga, balki atrofdagilarga ham noqulaylik tug'diradi. Yuqumli bo’libgina qolmay, bu qattiq qichishishni ham keltirib chiqaradi. Bitlar o'ta yuqumli parazit hasharotlar bo'lib, uni har bir insonda kuzatish mumkin. 

      Oq sirka

Ma’lumki, sirka tarkibidagi o’tkir kislota sababli soch parvarishida o’ta samaralidir. Sirkani suv bilan aralashtiring va bosh terisiga surting. Boshingizni sochiq bilan o'rang va 30 daqiqa kuting. Keyin sochingizni bit tarog’ida yaxshilab tarang va yuving. Oq sirka o'rniga olma sirkasini ham ishlatishingiz mumkin.

Sirka tarkibidagi kislota bitlarni sochlardan uzoqlashtirishni osonlashtiradi. 

     Vazelin

• Vazelin
• Mayda tishli bit tarog’i
• Shampun

Ko'p miqdorda vazelin oling va uni bosh terisiga surting. 1 soatga qoldiring va bit tarog’i bilan tarang. Keyin sochlaringizni shampun bilan yaxshilab yuving. Ushbu usulni bir necha marta takrorlashingiz mumkin.

   Evkalipt yog'i

• 15-20 tomchi evkalipt moyi
• 5 tomchi zaytun moyi
• 5 tomchi rozmarin moyi

Ushbu yog'larni aralashtiring va bosh terisiga surting. Sochiq bilan yoping va shu holatda bir kechaga qoldiring. O'lik bitlarni olib tashlash uchun sochlaringizni bit tarog’ida yaxshilab tarang va keyin odatdagidek yuving. Agar kerak bo'lsa, ushbu amalni takrorlang. 

   Efir moyi aralashmasi

• 5 tomchi yalpiz moyi
• Bir miqdor zaytunyog’i
• Olma sirkasi
• Bit tarog’i

Yalpiz efir moyini zaytun moyi bilan aralashtiring. Ushbu aralashmani soch ildizlariga massaj qiling. 1 soatdan keyin yuving. Keyin sirkalarni o’ldirish uchun olma sirkasidan foydalaning. 15 daqiqadan so'ng, uni bit tarog’i bilan tarang. Ushbu usulni haftada 4 marta qo'llashingiz mumkin.

   Zaytun moyi va choy daraxti yog'i

• 2 osh qoshiq zaytun moyi
• 5-6 tomchi choy daraxti yog'i

Ikkala moyni bir-biriga aralashtiring va bosh terisi va sochlarga surting. Sochingizni kamida bir soat sochiq bilan o’rab qo’ying. Odatdagidek sochlaringizni yuving. Ushbu usulni bitlar muammosi hal bo'lgunga qadar haftada ikki marta takrorlang.

Zaytun yog'i  namlovchi sifatga ega bo’lib, u choy daraxti yog'i bilan yaxshi aralashadi. Bu sochlaringizni yumshatishga va sog'lom qilishga yordam beradi. Bu qichishishni engillashtiradigan yallig'lanishga qarshi xususiyatlarga va antioksidantlarga ega.

     Kokos moyi

Isroilda o'tkazilgan tadqiqotlar shuni ko'rsatadiki, kokos moyi va qizilmiya yog'lari aralashmasi bitlarni davolashda juda samarali va hech qanday nojo'ya ta'sirlarni keltirib chiqarmaydi.

Uning mustahkamligi bitlarni bo'g'ib o'ldirishga yordam beradi. Ikkinchidan, kokos moyi yopishqoq bo'lgani uchun, bitlarning kiyimlarga tushishini oldini oladi, shu bilan ularning boshqa odamlarga tarqalishiga to’sqinlik qiladi.

Va nihoyat, tarkibida laurik kislota va kapril kislotasi kabi yog' kislotalari mavjud bo'lib, ular soch tolalarini namlaydi, bu esa bitlarni olib tashlash va tarashni osonlashtiradi.

     Zaytun moyi, kokos moyi va oq sirka

Zaytun moyi va kokos moyi bitlardan xalos bo'lish uchun juda samaralidir. Ikkalasi ham bitlarni bo'g'ish uchun suriladi va ularning tuxum qo’yishi va ko’payish qobiliyatiga to'sqinlik qiladi. 

• 2 osh qoshiq zaytun moyi
• 2 osh qoshiq kokos moyi
• sirka
• Bitlarga qarshi shampun

  Qanday qo'llaniladi?

Zaytun moyi va kokos moyini idishga solib aralashtiring. Ushbu aralashmani sochlaringizga va boshingizga surting va bir soat kuting. Keyin bit tarog’ida yaxshilab tarang va sochingizni shampun bilan yuving. So’ngra, soch va bosh terisiga olma sirkasi surtib, uni bir soatga qoldiring. Ushbu usulni haftada ikki marta takrorlang.

     Olma sirkasi va qichitqi o’t

2 stakan suv (500 ml) qaynatiladi. Suv qaynagandan keyin 1 osh qoshiq quritilgan qichitqi o'ti ilova qilinadi va 5 daqiqa qaynatiladi. Keyin sovitilgach, suzgich yordamida suzib olinadi.

Keyin, iloji bo'lsa, olma sirkasini suv bilan aralashtiring va bosh terisiga yengil massaj qiling. Olma sirkasini sochlarning ildizlariga, keyin esa butun sochlarga, yaxshilab surting. 30-35 daqiqa o’rab qo’ying. Keyin sochlaringizni bit tarog’i bilan tarang.  So’ngra tabiiy sovun bilan yaxshilab yuving.

Hammomdan chiqishdan oldin qichitqi aralashmasi bilan sochlaringizni chayqang. Qichitqi o'ti aralashmasi sochlaringizda yarim soat qolgandan so'ng, suv bilan yuvib tashlang. Ushbu usulni haftada bir marta qo'llash orqali qisqa vaqt ichida bit va sirkalardan xalos bo'lishingiz mumkin. 

     Kokos moyi va olma sirkasi

Teng miqdorda kokos moyini olma sirkasi bilan aralashtiring. Aralashmani sochlaringizga surting va boshingizni massaj qiling. Boshingizni sochiq bilan o’rab 15 daqiqa kuting. So’ngra, bit tarog’i bilan sochlaringizni yaxshilab tarang. Sochlaringizni shampun bilan yuving. 

Yana bir usul:

Sochingizni olma sirkasi bilan namlang. Sirka sochlaringizda taxminan 15-20 daqiqa davomida quriydi. Sochlar sirkani o'ziga singdirib, quriganidan keyin kaftingizga bir oz kokos moyini oling. Sochingizni kokos moyi bilan yog'lang. Keyin butun sochingizni yopishtiruvchi plyonka yoki sochiq bilan o'rang. Taxminan 6-7 daqiqadan so'ng, sochingizdan sochiqni olib tashlang va bit tarog’i yordamida sochlaringizni yaxshilab tarang. Keyin sochlaringizni shampun bilan yuvishingiz mumkin. Ushbu jarayonni haftasiga 2 marta qo'llagan holda qisqa vaqt ichida bit va sirkalardan xalos bo'lishingiz mumkin.

      Sarimsoq

10 tish sarimsoqni maydalab, 3 osh qoshiq limon sharbati bilan aralashtiring. Sarimsoq suvning ichida ezilishi kerak, aks holda sochlaringizga sarimsoq bo'laklari yopishib qoladi. Xamirga o'xshash aralashmani barcha soch va bosh terisiga qo'llang va 30 daqiqaga qoldiring. Keyin sochlaringizni mayda tishli bit tarog’i bilan tarang va sochlaringizdan o'lik bitlarni olib tashlang.

      Aloe geli 

Aloe gelini boshingizga surib, qurigunicha sochiq bilan o’rang. Keyin olma sirkasi bilan yaxshilab yuving.

     Bit shampuni

Agar sochingizda bit ko’paymagan bo’lsa, dorixonadan bit shampuni oling va sochlaringizni yuving. Unchalik ko’paymagan bo’lsa, shampunning o’zi bitdan halos bo’lishingizga yordam beradi.

Dr. Mehmet Uchar tomonidan tayyorlandi.