فاتىھ بۇرغىلاش پاراخوتى قارا دېڭىزدا بۇرغىلاش خىزمىتىنى باشلىدى

تۈركىيە ئاۋازى رادىيوسى خەۋىرى: تۈركىيەنىڭ «فاتىھ» ناملىق بۇرغىلاش پاراخوتى «گۆكتەپە-2» قۇدۇقىنى كولاشقا باشلىدى.

تۈركىيە جۇمھۇرىيىتى ئېنېرگىيە ۋە تەبىئىي بايلىقلار مىنىستىرى ئالپارسلان بايراقتار ئىجتىمائىي تاراتقۇ سۇپىسى «X» تىكى ئادرېسىدا بۇ ھەقتە ئۇچۇر ھەمبەھرىلەپ: «قارا دېڭىزدا يېڭى بايقاشلارغا يەلكەن ئېچىۋاتىمىز. <فاتىھ> ناملىق بۇرغىلاش پاراخوتىمىز ساكاريا تەبىئىي گازلىقىدىكى <گۆكتەپە-2> قۇدۇقىنى كولاشقا باشلىدى. بىز بىر تەرەپتىن ئىشلەپچىقىرىشنى ئاشۇرساق، يەنە بىر تەرەپتىن، يېڭى ساھەلەردىكى چارلاش خىزمەتلىرىمىزنى داۋاملاشتۇرىمىز» دېدى.