تۈركىيەنىڭ ساياھەت كىرىمى ئاشتى
تۈركىيەنىڭ ساياھەت كىرىمى بۇ يىلنىڭ ئۈچىنچى چارىكىدە ئالدىنقى يىلىنىڭ ئوخشاش مەزگىلىگە سېلىشتۇرغاندا %27.1 ئېشىپ، 17 مىليارد 952 مىليون 361 مىڭ دوللارغا يەتتى.
تۈركىيە ئاۋازى رادىيوسى خەۋىرى: تۈركىيە ئىستاتىستىكا ئورگىنى ساياھەت ئىستاتىستىكىسىنى ئېلان قىلىپ، تۈركىيەنىڭ ساياھەت كىرىمىنىڭ بۇ يىلنىڭ ئۈچىنچى چارىكىدە ئۆتكەن يىلنىڭ ئوخشاش مەزگىلىگە سېلىشتۇرغان %27.1 ئېشىپ، 17 مىليارد 952 مىليون 361 مىڭ دوللارغا يەتكەنلىكىنى ئۇقتۇردى.
بۇ مەزگىلدە چەت ئەللىك ساياھەتچىلەرنىڭ %75.1 ى ساياھەت قىلىش، كۆڭۈل ئېچىش، تەنتەربىيە ۋە مەدەنىيەت پائالىيەتلىرىگە ئىشتىراك قىلىش مەقسىتىدە تۈركىيەگە كەلگەن.
تۈركىيەنىڭ ساياھەت كىرىمى 1-ئايدىن 9-ئايغىچە بولغان مەزگىلدە ئالدىنقى يىلىنىڭ ئوخشاش مەزگىلىگە سېلىشتۇرغاندا %67.9 ئېشىپ، 35 مىليارد 28 مىليون 540 مىڭ دوللارغا؛ ساياھەتچىلەر سانى %94 ئېشىپ 39 مىليون 390 مىڭ 915 ئادەم قېتىمغا يەتتى.
مۇناسىۋەتلىك خەۋەرلەر
تۈركىيە نېفىت شىركىتى ئاقدېڭىزدا نېفىت ئىزدەيدۇ
تۈركىيە يېڭى نېفىت ساھەلىرىدە نېفىت ئىزدەش پائالىيەتلىرىنى داۋاملاشتۇرماقتا.