رۇسىيە گازىنى تۈركىيە قاتارلىق دۆلەتلەرگە يۆتكەش نىسبىتىدە ئېشىش كۆرۈلدى
رۇسىيە تەبىئىي گاز سانائىتى پاي چەكلىك شىركىتى – گازپروم، رۇسىيەدىن تۈركىيەگە يۆتكەلگەن گاز مىقدارىنىڭ ئاشقانلىقىنى بىلدۈردى؛
![رۇسىيە گازىنى تۈركىيە قاتارلىق دۆلەتلەرگە يۆتكەش نىسبىتىدە ئېشىش كۆرۈلدى](http://cdn.trt.net.tr/images/xlarge/rectangle/19a4/2ccd/7583/59955234e0918.jpg?time=1718850405)
تۈركىيە ئاۋازى رادىيوسى خەۋىرى: رۇسىيە تەبىئىي گاز سانائىتى پاي چەكلىك شىركىتى – گازپروم بايانات بېرىپ، 1- يانۋاردىن 15 – ئاۋغۇستقىچە بولغان جەرياندا، رۇسىيەدىن تۈركىيەگە يۆتكەلگەن گاز مىقدارىنىڭ %22.4 ئاشقانلىقىنى بىلدۈردى.
باياناتتا كۆرسىتىلىشىچە، تۈرك ئېقىمى تەبىئىي گاز تۇرۇببىسى ئارقىلىق گاز بىلەن تەمىنلىنىدىغان دۆلەتلەرگە يۆتكەلگەن گاز مىقدارىمۇ ئاشقان؛ بۇ دائىرىدە گىرېتسىيەگە %13.2؛ سېربىيەگە %40.8؛ بۇلغارىيەگە %11.1 ۋە ۋېنگىرىيەگە %24.4 كۆپ تەبىئىي گاز يوللانغان.
يەنە بىر تەرەپتىن، ئوخشاش مەزگىلدە رۇسىيە تەبىئىي گاز سانائىتى پاي چەكلىك شىركىتىنىڭ ئومۇمىي ئېكسپورت ھەجىمى ئۆتكەن يىلغا سېلىشتۇرغاندا، %12 ئېشىپ، 118 مىليارد 300 مىليون كۇب مېتىرغا يەتتى.
مۇناسىۋەتلىك خەۋەرلەر
![تۈركىيە نېفىت شىركىتى ئاقدېڭىزدا نېفىت ئىزدەيدۇ](http://cdn.trt.net.tr/images/medium/rectangle/74b5/efb2/3a9b/666a9d4a83e85.jpg?time=1718850405)
تۈركىيە نېفىت شىركىتى ئاقدېڭىزدا نېفىت ئىزدەيدۇ
تۈركىيە يېڭى نېفىت ساھەلىرىدە نېفىت ئىزدەش پائالىيەتلىرىنى داۋاملاشتۇرماقتا.