تۈرك ئېقىمى قۇرۇلۇشى باشلاندى
رۇسىيە ئېنېرگىيە شىركىتى (Gazprom) نىڭ تۈرك ئېقىمى لايىھەسى قۇرۇلۇشى باشلاندى.
![تۈرك ئېقىمى قۇرۇلۇشى باشلاندى](http://cdn.trt.net.tr/images/xlarge/rectangle/66ad/c05e/69ca/589a9b271bda9.jpg?time=1719141555)
تۈركىيە ئاۋازى رادىيوسى خەۋىرى: شىركەت تەرىپىدىن بۇ ھەقتە ئېلان قىلىنغان باياناتتا، تۈرك ئېقىمى لايىھەسىنىڭ قارادېڭىزدىن ئۆتىدىغان تۇرۇبا لىنىيەسى قۇرۇلۇشىنىڭ بەلگىلەنگەن ۋاقىتتا باشلانغانلىقى بىلدۈرۈلدى.
قۇرۇلۇشنىڭ AllSeas شىركىتىگە ئائىت Audacia ناملىق پاراخوت ئارقىلىق داۋاملىشىۋاتقانلىقى ئەسكەرتىلگەن باياناتتا، قارادېڭىزنىڭ تېخىمۇ چوڭقۇر قىسىملىرىغا تۇرۇبا لىنىيەسى ياتقۇزۇش خىزمىتىنىڭ بولسا Pioneering Spirit ناملىق پاراخوت ئارقىلىق ئىشقا ئاشۇرۇلىدىغانلىقى قەيت قىلىندى.
بۇلتۇر ئۆكتەبىردە ئىستانبۇلدا ئىمزالانغان ھۆكۈمەتلەر ئارا تۈرك ئېقىمى لايىھەسى كېلىشىمى دائىرىسىدە ھەر بىرى يىلىغا 15.75 مىليارد كۇب مېتىرلىق ئىقتىدارغا ئىگە ئىككى تۇرۇبا لىنىيەسىنىڭ بەرپا قىلىنىشى پىلانلانماقتا.
بىرىنچى لىنىيەدىن تۈركىيەگە، ئىككىنچى لىنىيەدىن بولسا كاپالەتنامە بەرگەن تەقدىردە ياۋروپاغا تەبىئىي گاز يەتكۈزۈش مۆلچەرلەنمەكتە.
مۇناسىۋەتلىك خەۋەرلەر
![تۈركىيە نېفىت شىركىتى ئاقدېڭىزدا نېفىت ئىزدەيدۇ](http://cdn.trt.net.tr/images/medium/rectangle/74b5/efb2/3a9b/666a9d4a83e85.jpg?time=1719141555)
تۈركىيە نېفىت شىركىتى ئاقدېڭىزدا نېفىت ئىزدەيدۇ
تۈركىيە يېڭى نېفىت ساھەلىرىدە نېفىت ئىزدەش پائالىيەتلىرىنى داۋاملاشتۇرماقتا.