تۈركىيە بازىرىدا ئامېرىكا دوللىرىنىڭ باھاسى بىردىنلا چۈشۈپ كەتتى

تۈركىيە ئاۋازى رادىيوسى خەۋىرى: ئاساسىي قانۇنغا ئۆزگەرتىش كىرگۈزۈشنى مەزمۇن قىلغان ئومۇمىي خەلق بېلەت تاشلاش پائالىيىتىنىڭ غەيرىي رەسمىي نەتىجىسى خەلقنىڭ ماقۇللۇق بىلدۈرگەنلىكىگە ئىشارەت قىلغاندىن كېيىن، ئامېرىكا دوللىرى 3 لىرا 62 قۇرۇشقىچە تۆۋەنلىدى.

ئامېرىكا دوللىرى جۈمە كۈنى 3 لىرا 69 قۇرۇش ئەتراپىدا داۋاملىشىۋاتقان بولۇپ، ھەپتىلىك يېپىلىشقا ئازلا قالغاندا 3 لىرا 73 قۇرۇشقا ئۆرلەپ كەتكەنىدى.

ئانالىزچىلار، ئومۇمىي خەلق بېلەت تاشلاش پائالىيىتىنىڭ غەيرىي رەسمىي نەتىجىسىنىڭ تەكلىپنى خەلقنىڭ قوللىغانلىقىنى كۆرسىتىشىنىڭ تۈركىيە لىراسىنىڭ كۈچىيىشىگە سەۋەب بولغانلىقىنى ئەسكەرتمەكتە.