ئاسىيا پاي چېكى بازارلىرى كۈننى چۈشۈش بىلەن ئاخىرلاشتۇردى

تۈركىيە ئاۋازى رادىيوسى خەۋىرى: 8– فېۋرالدىن باشلاپ تەتىل سەۋەبىدىن ئېتىكلىك تۇرغان جەنۇبىي كورېيە ۋە خوڭكوڭ پاي چېكى بازارلىرى قاتتىق چۈشۈش بىلەن ئېچىلدى. جەنۇبىي كورېيە بازىرى بۈگۈن (11 – فېۋرال) %2.3 لىك چۈشۈش بىلەن باشلىنىپ، %2.93 لىك چۈشۈش بىلەن ئاخىرلاشتى.

خوڭكوڭ خاڭ سېڭ ئىندېكسى %4.2 لىك تۆۋەنلەش بىلەن، 2012 – يىلدىن بۇيانقى ئەڭ تۆۋەن سەۋىيەگە چۈشتى.

ھىندىستان سېنسېكس ئىندېكسى ئۇدا تۆت كۈن قاتتىق چۈشتى ۋە %1.1 لىك تۆۋەنلەش بىلەن 2014 – يىلىدىن بۇيانقى ئەڭ تۆۋەن سەۋىيەنى كۆردى.